داري لون فانلتك شوية يا فراج يا اسماعيل

السلام عليكم مش هقولك بطل حقد على الاهلي عشان فات الاوان ومش هقولك خليك محايد في رأيك ما دمت قررت تكون ناقد ومش هقولك بطل تتكلم وترجع تغير كلامك عشان اغراض في نفسك انا بس عايزك تحاول ...يا ريت تحاول ...تتكلم في اي حاجة من غير ما تلمح ان الاهلي ورا سلبياتها عرفت انك زمالكاوي ...وزي اي زمالكاوي مش قادر تقلل كرهك للاهلي ...انا معاك عشان انا بكره الزمالك زي ما انت بتكره الاهلي بالظبط ...بس انا من حقي اعلن ده ...انت مش من حقك ما دمت اخترت تكون ناقد...يعني على الحياد داري لون فانلتك شوية بقى يا استاذ عرفة ...انا بقيت بقرالك فقط عشان اشوف رأي اي زمالكاوي متعصب هيكون ايه ...يعني كأني بقرأ مجلة الزمالك ...مع ان والله حتى في مجلة الزمالك ساعات مابيلوموش الاهلى على خيبتهم مهما قلت حضرتك و غيرك من امثال محمود معروف و جمال هليل و غيركم كتير....مش هتقدروا تغيروا حقائق واضحة للناس كلها...فقط ممكن تشخبطوا عليها او تشوهوها ....انما تغيروها و تقنعونا بغيرها مش هتعرفوا...فحاولوا تكونوا على الحياد عشان اللي بتعملوه ده لا هيحل ولا هيربط د.محمد حلمي