"نجم" توجه رسالة خطيرة ل"المخترع الصغير" وتدعى على من يسبه من إعلاميين

أعربت الناشطة السياسية نوارة نجم عن سعادتها بالقرار الذى أخذه المخترع الصغير عبد الله عاصم بعدم العودة إلى مصر.
واستنكرت عبر الصفحة الرسمية لها الهجوم الذى تعرض له عبد الله عبر بعض القنوات الفضائية أمس معتبرة أن قراره يصب فى مصلحته حيث سيتعلم الكثير بتواجده هناك حيث المناخ العلمى والامكانيات الكبيرة.
وتابعت:" إوعى ترجع يا حبيبي... ربنا يوفقك ويبارك لك في ذكاءك وعبقريتك وعلمك وينجيك.. إنت رحت عند اللي حيعرفوا قيمتك وإن شاء الله يساعدوك ويعلموك ويوفروا لك كل احتياجاتك عشان تصقل عبقريتك بالعلم، إحنا مش وش عباقرة ولا وش اختراعات احنا كفاية علينا العاهات الذهنية اللي بتطلع في الاعلام تشتمك وانا مش انسانة شريرة عشان ادعي عليهم يشرفوا هم كمان في أمن الدولة ونشوفهم حيقعدوا في البلد ولا لا؟"
ولفتت إلى أنه عندما سيعود إلى مصر حائزاً على جائزة نوبل من يهاجمونه الأن سيمدحونه ويلقبوه بالعالم المصرى الكبير وتابعت:"ويتصوروا جنبك زي ما بيتصوروا جنب الدبابة... وإرجع تاني وأقول أنا مش إنسانة شريرة عشان أقول يارب اللي يشتمك إبنه يتعكش في أمن الدولة عشان يورينا الوطنية ساعتها.. إنت عالم عبقري، كفاحك ونضالك في الدنيا انك تفيد البشرية بعلمك مش انك تقعد هنا تخيب جنب بتوع الاكس افاكسورز.. تقعد تعمل ايه؟ تناضل عشان يتقال عليك نوشتاء السبوبة ولا يجيلك تخلف من البيروقراطية ولا تتهبل وتتكلم عن المؤامرة؟ مع السلامة يا عبد الله.. ما تبصش وراك ولا تفكر في منزل العائلة المسمومة ده تاني... ربنا فك اسرك اوعى ترجع لبيت الاشباح بعد ما ربنا عفا عنك"
وأردفت:" الانسانية محتاجة علمك ومش ذنبك ولا ذنب البشرية إنك إتولدت في بلد حراس الوطن اللي فيها بيعذبوا العباقرة عشان يكافحوا الارهاب قول الحمد لله إنك نفدت.. وإبعت هات أهلك يعيشوا معاك بدل ما يقرفوهم هنا، وإبعد يا عبد الله.. إبعد خالص وإنسانا، ولا تبص علينا على الخريطة... ولا تعتب البلد دي قبل ما تاخد جايزة نوبل... وحتاخدها ان شاء الله"