أشرف قاسم: تصريحات أسامة نبيه بعد الإخفاق غير موفقة وتزيد الأزمة اشتعالا

انتقد أشرف قاسم، نجم نادي الزمالك ومنتخب مصر السابق، تصريحات أسامة نبيه المدير الفني لمنتخب الشباب تحت 20 عامًا، عقب خروج المنتخب من كأس العالم للشباب المقامة في تشيلي من الدور الأول، معتبرًا أن حديثه بعد الإقصاء لم يكن موفقًا وتسبّب في مزيد من الجدل.
وقال قاسم خلال تصريحات تليفزيونية عبر قناة الحياة: «كنت أتمنى إن أسامة نبيه ميطلعش يتكلم في الوقت ده، كان لازم يهدى شوية ويرتب الكلام اللي يتقال والكلام اللي ميتقالش، لأن اللي حصل سوء توفيق مش فشل».
وأضاف نجم الزمالك السابق: «تصريحه عن إنه محوش اللعيبة المحترفين للدور الجاي مش منطقي، مفيش حاجة اسمها أحوش اللعيبة.. لازم تلعب بكل قوتك في الدور الأول وتضمن التأهل قبل أي حسابات».
وتابع قاسم: «المنتخب كان محتاج كل العناصر المهمة عشان يعدي المرحلة دي، ولو كان عايز يعمل تدوير كان ممكن أثناء المباريات مش في الدور الأول كله».
واختتم حديثه بالتأكيد على أن توقيت ظهور أسامة نبيه إعلاميًا بعد الخروج كان خاطئًا، مشيرًا إلى أن ترتيب الأولويات في الحديث كان ضروريًا لتجنب الهجوم الذي تعرض له.