أشرف قاسم ينتقد أسامة نبيه: «مفيش حاجة اسمها محوش اللعيبة» (فيديو)

علق أشرف قاسم نجم نادي الزمالك السابق، على تصريحات أسامة نبيه المدير الفني لمنتخب الشباب تحت 20 سنة، بعد الخروج من كأس العالم للشباب التي أقيمت في دولة تشيلي من الدور الأول.
يأتي ذلك بعد تصريحات أسامة نبيه التي تسببت في إثارة الجدل، والتي تحدث فيها عن أسباب خروج منتخب الشباب من بطولة كأس العالم. وكان منتخب مصر للشباب تحت 20 عامًا ودع بطولة كأس العالم بعدما احتل المركز الثالث في ترتيب مجموعته.
وقال أشرف قاسم في تصريحات تليفزيونية عبر شاشة قناة الحياة: «كنت حابب إن أسامة نبيه ميطلعش يتكلم في الوقت ده، كان لازم يهدى شوية ويرتب الكلام اللي يتقال والكلام اللي ميتقالش، أنا مع إن في عدم توفيق مش فشل، وكان ممكن يعدي لو اللائحة بالمواجهات المباشرة».
وأضاف: «أنا كنت مع إنه ميتكلمش دلوقتي، ولو طلع كان يبقى في ترتيب ل أولويات الكلام اللي يتقال، ومن أبرز التصريحات اللي قالها في عدم الاستعانة باللاعبين المحترفين، وشايلهم للدور المقبل، الكلام ده طبعًا مش صح، لأ أنا لازم أضمن المباراة وألعب بكل أوراقي الرابحة والقوة الضاربة بتاعتي».
وأتم أشرف قاسم تصريحاته قائلًا: «انت كنت محتاج كل لعيبتك المهمة عشان تعدي الدور الأول والمرحلة دي، واللعيبة أكيد جاهزة للبطولة، ولو عايز تعمل عملية روتيشن كان ممكن تعمل أثناء المباراة نفسها مش في الدور الأول بالكامل».