"وجع القلب".. سلامات يابو بالطو وزعبوط!!

"طول عمرنا بندرس فى الجغرافيا ان طقس مصر"حر جاف صيفا ،دافىء ممطر شتاءً".. وكنا بنفرح بالشمس فى الصيف على الشواطىء، وفى الشتاء لما بتدفينا فى البيوت والشوارع.. وسمارنا كان أجمل ما بيميزنا يا مصريين.. زى لمتنا ما كانت بتدفينا فى بيت العيلة وفى مدارسنا وجامعاتنا وبين كل أحبابنا.. للأسف إحنا
اتغيرنا خاااااالص يا لينا.. وجو مصر أصبح "حر ناااار صيفاً، برد متلج شتاءً".. إتغير الجو زى ما كللل حاجة اتغيرت .. والسما بتمطر تلج أحمر بلون الدم.. واحنا بنتجمد علشان اتفرقنا وبقينا نصين "نص بأربعة والتانى باتنين".. تعبنا من البرد والسقعة والشتاء طال رغم تأخيره علينا.. كان بيخدعنا بالدفا وفجأة بقساوته حسينا .. نفسنا فى دفا زماااان ولمة الأهل والخلان .. وبزيادة يا شتا وكفياك.. وصل سلامنا للقطب الشمالى ول"قطب" اللى راح ..سلامات يابو بلطو وزعبوط، ويابخت من زار وخفف.. قلبى وجعنى على الغلابة اللى مش لاقيين مأوى فى عزك ! وهايفصل نبض من بردك..وأاااااااه يا وجع قلبى"