فيديو.. معتز عبد الفتاح يطلق عدة نكات على "الزند"

سخر الدكتور معتز بالله عبد الفتاح - أستاذ العلوم السياسية - من بعض التصريحات التي خرجت علي لسان أعضاء بجبهة الإنقاذ، وبعض التصريحات التي أدلي بها المستشار أحمد الزند واصفا تصريحاتهم بأنها "منبي يا معنمي" .
وقال عبد الفتاح: " مرة ناس رفضت تعديلات دستور 71 وقالت أنه دستور ساقط وغير قابل للترقيع ويصنع فرعونا جديدا وبعد ما طلع دستور 2012 قالك تصدق؟ لازم نرجع دستور 71 لأن الدستور ده أفضل من دستور 2012" وفرق عبد الفتاح ما بين دستور 71 الذي أعطى للرئيس كل الصلاحيات ودستور 2012 الذي سحب من الرئيس 75% من صلاحياته".
وأضاف ساخرا : "مرة واحد خايف علي استقلال القضاء من تدخل الرئيس المصري راح مطالب بتدخل الرئيس الأمريكي بالتدخل في استقلال القضاء المصري، مش دي تبقي "منبي يا معنمي اهو دة اللي مجنني".
وأردف: "مرة جبهة إنقاذ زعلانة من أداء حكومة لأنها فاشلة .. وجوة الحكومة دي وزيرين أو تلاتة شغالين معقول وابتدوا يعملوا شوية تقدم .. يقوموا يقولوا شرط عشان ننزل الانتخابات اكتر وزير شغال في الحكومة دي يمشي".
وتساءل ساخرا: هو انت جبهة إنقاذ الوطن ولا جبهة إنقاذ نفسك؟ يعني أكتر واحد قدم حاجة للبلد انت عايزة يمشي عشان تنزل الانتخابات ليه؟ هو مين حضرتك عشان أنا وش واخد بالي؟
شاهد الفيديو