شنت الناشطة السياسية نوارة نجم هجوما شرسا علي عمر نجل الرئيس مرسي بسبب سبه لإعلاميين مشيرة إلي وقوفها من لميس الحديدي حتي تحصل علي حقها منه . وقالت نوارة في سلسلة تغريدات ننقلها كما وردت : ابن #مرسي شتم مين النهاردة؟ ده طلع شاتم لميس الحديدي شتيمة جامدة قوي.. هي من حقها ترفع قضية على فكرة.. المفروض ما تسكتش تف على الشعب يا ولا .. ابن مرسي بيقول على ابراهيم عيسى انه لما اشتغل في الاون تي في ايام مبارك ساويرس شربه شاي بالياسمين في نفس الفترة اللي هو بيقول ان ابراهيم شرب شاي بالياسمين عشان اشتغل في اون تي في جماعته كانت بتكتب في جرنال ابراهيم ولا ساعتها كان حلو؟ بس هو ما شتمش ابراهيم بالاسم، لكن هو شتم لميس الحديدي بالاسم وشتيمة جامدة، وفعلا مش لازم تسكت له وكلنا حنبقى معاها ابو حمالات اللي ما وراهمش حاجة غير شتيمته ده خيره عليهم وكان المنفذ الوحيد اللي لهم في البلد لما كانوا محظورة، واتشتم واتهم من تحت راسهم هو بيتكلم عن يوسف الحسيني؟ طب هو يوسف بكرش؟ وابو حمالات اللي هم عاملين عليه كومبينة هم والسلفيين، كان بيكتب عن طارق وعبود الزمر يوم اه ويوم لا وقت ما الاخوان كانوا بيتبروا منهم مافيش حد على اون تي في بكرش... هو بيتكلم عن انهي كرش؟ ولا هو شاف كرش ابوه وصاحب ابوه واتلخبط ولما ابو حمالات عميل ايران وجاسوس ووحش، كانوا بيكتبوا في جرناله ليه ومراتاتهم كانوا بيبعتوا له جوابات يستنجدوا بيه وهم في السجن ليه؟ لا ما ينفعش لميس الحديدي تتشتم كده ومن عيل قد ولادها عشان ابن رئيس الجمهورية وتسكت واحنا نسكت.. مهما كان اختلافنا معاها خرفان الاخوان بيقولوا لي ما انت بتشتمي.. انا مش بنت رئيس الجمهورية يا محدثين النعمة يا شبعة من بعد جوعة ماهو انتوا عشان عالم جعانة ولمامة ومش واخدين غير على الضرب بالقفا مش فاهمين ان ابن رئيس الجمهورية لما يشتم الناس يبقى بيستغل سلطة ابوه ما انتوا نفسكوا طول النهار تشتموا وعبرحمن هز بيشاور على الناس بالليزر والمغير بيخدش حياء الناس وسايبينكوا عشان مش ولاد الرئيس انما لما واحد يبقى ابن الرئيس وعيل ويشتم اعلاميين يخلفوه يبقى بيستغل سلطات ابوه وبيرهبهم واذا كانت ام احمد مش عارفة تربيه نربيهولها احنا الواد مش عارف يصدق ان ابوه رئيس جمهورية وانه ابن رئيس الجمهورية وما ينفعش يتعامل مع الناس كده.. ولو كان المحروس طول عمره شجاع كده وبلسانين حتى ايام مبارك كنا قلنا اهو طبعه ولا حيشتريه، لكن الابعد ما سمعنالوش حس الا بعد ما ابوه بقى ريس واذا كانوا مش عارفين يربوه في البيت يبقى يتربى في المحاكم لو هو مواطن زيه زينا ومن حقه يتكلم زي ما بنتكلم، يبقى يتعامل زي ما بنتعامل، ويشم غاز وينضرب بخرطوش، لو على رجليه نقش الحنة يبقى نربيه بقى ما برلسكوني انضرب بالبيض والطماطم، وبوش انضرب بالجزم، شوفنا حد فيهم ولا عيالهم شتموا الناس ولا ضربوهم بالجزم والطماطم؟ اللي في ايده سلطة طريقة معاملته مع الناس تختلف عن اللي مش في ايده سلطات واخره يتكلم ابن الرئيس يقدر يحبس الناس وابوه بيحبس الناس فعلا وجماعته بتخطف العيال وتموتهم.. لكن المواطن العادي مالوش سلطة غير لسانه انا مستغربة اصلا ان فيه ناس بتتناقش... رئيس الجمهورية بيتشتم في كل حتة في العالم، عمرنا ما شوفنا عياله بتشتم اللي بيشتموه واللي مش مستحمل تبعات انه يبقى رئيس يمشي واحنا حنروح لبرلسكوني وبوش ليه؟ هو ابن طنطاوي شتمنا؟ هو جمال مبارك نفسه الرذل ابو دم تقيل ده شتمنا؟ ما احنا كنا بنشتمه ونشتم ابوه.. ما ينفعش هو يشتم.. دي حتى قلة قيمة له ده بنت بوش كانت عيلة مراهقة واتقفشت وهي سكرانة على اللي عملوه فيها.. حسسوني ان سلفيين مسكوا واحدة سكرانة مش ان كلهم بيشربوا زيها عشان العيل المراهق ابن موظف لما يتقفش سكران بياخد جزاءه، لكن بنت الرئيس اللي هم بيأكلوه من ضرايبهم ما ينفعش يخليها سايبة كده وانا عمالة استشهد ببوش واوباما وبرلسكوني وحتى طنطاوي ومبارك هم الناس دي مش بتوع شرع الله؟ سيدنا عمر عمل ايه في ابنه لما شرب؟ ضاعف له العقوبة دي من البديهيات ان اللي بيحمل المسئولية وبيصدر نفسه يبقى عليه قيود اكتر من قيود الراجل العادي وبس قارفينا: شرع الله شرع الله لما خرجوا الناس من دينهم.. شرع الله على حسب سيدنا عمر انه ياكل طاقة واحدة والمواطنين ياكلوا 3 طاقات وشرع الله على حسب سيدنا عمر انه يجيب ابن الاكرمين يخلي الراجل يرنه علقة قدام الناس وان ابنه لما سكر ضاعف عليه العقوبة ضعفين وده مش عجبة ولا حاجة.. الخواجات الكفار بيعملوا كده برضه.. مش طالقين عيالهم يسبوا للناس؟ عايزين يشتموا في الناس يسيبوا السلطة مافيش رئيس في الدنيا ما بيتشتمش.. حتى الخلفاء الراشدين اتشتموا وفي وشهم كمان.. ما سمعناش عن حد فيهم سلط عياله على الناس
