ممكن تسمعني ..؟

ممكن تسمعني ..ممكن تسمع صوتي اللي نادي كتير علي حقه من غير مرة ما ينطق ...ممكن ؟!
صدقني انا مش هأخد من وقتك حاجه بس اسمعني.... يمكن....
ولا خلاص... اننا نتلاقي كلمه خسرت معناها ...جرب مره واسمعني مش هقولك كلمه تدايقك ..صدقني ...
انا شاب علي ابواب التلاتين عدي عليا في عمري يمكن (رئيسين)...
اتعلمت وانا مؤمن انا بلدنا ام الدنيا واننا فيها حاجه تانيه ودرست تاريخ وجغرافيا وقريت عن موقع مصر وفرحت لما عرفت انها في نص العالم وبيحتاجها كل العالم ....
لما كبرت بعد اما درست وقريت واجتهدت حسيت بالوهم ...عرفت ازاي انهم دحكوا عليا وتأكدت انها مش بلدي عرفت اني بدرس كلام ملوش علاقه بالواقع عرفت اني بجتهد علشان لغيري المواقع وكمان عرفت اني الاقي شغل ده من اخر المستحيلات .........استني رايح فين ....
وبنظره حزن جوه العين المكسورة كمل..
قالي :-اسمعني مش يمكن انا وانتي نشوف الحل .....
سمعنا كتير عن مشاكلنا وسمعنا عن حلولها الورقية وكمان سمعنا عن حلولها العميلة طويله الامد وخلي بالك من الامد دي اصلها كبيره اوي أكبر من عمري وركز في كلمه سمعنا اصلنا هنا بنسمع بس ...
والاقي عقلي بيقلي طالما انا عارف مشكلتي ومش قادر احلها ولا عارف حد يحلها المفروض اني اعمل ايه ...جاوبني ....ولا كلامي فيه غلط ...
ولا اننا هنا يكون هو ده الغلط
طب منحاول مش يمكن ...صدقني ...ارجوك صدقني ..
انا لما بقلك بفكّرك يمكن تكوني نستني .....
امنيتي وحلمي وانا شاب وعمري اصبح تلاتيني (..نفسي في اسرة احتويها وتحتويني ...)
قلي كلامه ومشي ندهته ..مردش ..اصل دي اول مره يشتكي عارفين الايه اللي بتقول (يَحْسَبُهُمُ الْجَاهِلُ أَغْنِيَاء مِنَ التَّعَفُّفِ تَعْرِفُهُم بِسِيمَاهُمْ لاَ يَسْأَلُونَ النَّاسَ إِلْحَافاً ) سورة البقرة الايه 273
هما دول ...امتا هنشوفهم ونأخد بالنا منهم ونبعد عن الصفوة والكلام اللي بيضيع الوقت ... بالحق هو ممكن حد يسمع ؟؟؟!! ولا .......يمكن ...
أرسل مقالك للنشر هنا وتجنب ما يجرح المشاعر والمقدسات والآداب العامة
page2almesryoon@yahoo.com