بالفيديو.. متولى من أمين مكتبة بجامعة أسيوط ل إرهابي

"يعني دلوقتي لو بقيت إرهابي من حقي ومحدش يلوم عليا".. كلمات قالها بحرقة المواطن متولي فهمي.
ويقول متولي في حديثه ل"المصريون": "أنا خريج جامعة الأزهر فرع أسيوط والأول على الجامعة وكرمني وزير الأوقاف ورئيس الوزراء، ووزير الداخلية كرمني في الجامعة لما اتفوقت سنتين ورا بعض، وادوني شهادات تكريم".
ويكمل متولي قائلا: "كنت شغال في كلية الزراعة ماسك المكتبة من 21/11/1981، فوجئت في 1/6/2015 بأنهم بيمنعوني من دخول الكلية، والقرار جالي من رئيس الجامعة اني مادخلش الجامعة تاني وقالوا إن ده قرار من رئيس الجمهورية، وإني بسرق كهربا من الجامعة".
ويضيف متولي: "مدير عام الشئون القانونية عملي تظلم لإلغاء القرار وفعلا اتقبل، وقعدت كتير وأنا في نزاع قضائي علي قضية إني بسرق كهربا من المكتبة، لغاية ما صدر قرار بوقف تنفيذ قرار وقفي عن العمل وبراءتي، ولغاية دلوقتي مش عارف أنفذ الحكم بعت عفش بيتي وسيبت الشقة وقاعد في الشارع ومش عارف أعيش ولا أكل اعمل ايه، لو بقيت إرهابي بسبب الظلم اللي اتعرضت له ده يبقي معايا حق".
شاهد الفيديو..