فى شئ جوانا انكسر !!

انا وخطيبتي من البداية كنا اصدقاء واتبنت العلاقة من البداية علي ان اننا اخوات خطيبتي متدينة جدا معرفتش في حياتها غير واحد بس الواحد ده كانت بتحبه لدرجه كبيرة لانه كان في كلية من كليات القمة وشكله مقبول اتكلم معاها فترة وخرجو كام مرة مع بعض بس عمره مالمسها لانها كانت بتصده لو عمل حاجه وكانت هي بتحكيلي ده في الاول وبعد كده قعد يمرمط فيها ويذل فيها ويقولها ابعتيلي صورك وانتي بلبس البيت وهي عشان متدينه كانت بترفض لانها طيبة وانا كنت بقعد اقولها انتي ليه عامله في نفسك كده واقعد انصحها فكانت بترتاح معايا في الكلام لدرجة انها خدت عليا بشكل كبير وانا خدت عليها فحبتني لاني كنت حنين عليها في الكلام وانا حبيتها لانها محترمه وعرضت عليها اني ارتبط بيها لو جالي فرصة سفر قالتلي لا انا موافقة عليك واعيش معاك حتي لو هناكل عيش وملح وفي الوقت ده الشخص التاني حب يرجعلها فهي فضلتني انا فتقدمتلها واتخطبنا ..انا وهي واول واحد مسك ايدها كنت انا هي ماكنتش عايزاني المسها بس انا اللي فضلت وراها لاغيت مامسكت ايدها … كنا شغالين في مكان واحد بس هي اشتغلت في المكتب بعديا بفترة كبيرة انا في بدايتي في المكتب كنت شغال في مهنه بسيطه وبعد كده ربنا كرمني واترقيت في الشغل بس الناس القديمة اللي معايا عارفه اني كنت في مهنه بسيطه وبعد كده عليت قعدوا يكرهوها فيا ويقولوها اني كنت بسيط في البداية فابتديت هيا تندم علي اختيارها ليا بس في نفس الوقت مش قادرة تسيبني لانها شايفة فيا اني محترم وكويس … بس اصبح عندها مشكلة هي انها رجعت تفكر في الانسان اللي حبيته في البداية انا عرفت ده من اميلها ع الفيس بوك لما لاقيتها بتعمل سايرش عليه انا عملت ايميل باسمه ع الفيس وكلمتها علي اني هو ردت الاول بعنف عليه وقالتله محدش بياخد غير نصيبه .. ولما قولتلها يعني مفيش امل لاقيتها كاتبه رد ع الموبيل طبعا انا شوفت الجمله دي اتجننت في الوقت ده هو ماردش وده من عند ربنا وانا روحت مكلمها وقولتلها انتي كنتي عايزه تكلميه ليه قالتلي انت ازاي تعمل معايا كده قولتلها ردي عليا انتي ازاي تكلميه قالتلي انا كنت عايزه اقوله يبعد عن فانا مشيت الموضوع ده بس في نفس الوقت كنت مضايق لاني عارف انها في الاول بتعمل سيرش عليه ولاني عازرها لان الناس في المكتب وقعوا مني بسبب اني كنت شغال شغله بسيطه في المكتب قبل مااترقي وابقي في مكان محترم موضوع الاميل اللي انا عاملته ده وقع بينا حاجات كتير لانها حاسيت اني مابثقش فيها وبقيت خايفة مني وانا كمان ماتغير من جوايا اتجاها بسبب انها قعدت تفكر فيه وتعمل سيرش عليه…. وليها كذا موقف عرفتني بيه انه في تفكيرها بعد حركة الاميل اللي انا عاملتها وانا كنت بشوف المواقف واكتم في نفسي واقول اننا لما نتجوز هاتنساه ومش هاتفكر فيه وانا وهي دلوقتي مع بعض ومفيش بنا مشاكل بس حبنا قل بنسبة 70 % عن الاول مش عارف دلوقتي هل انا اكمل ولا اقف لاغيت هنا ولا اعمل ايه خصوصا وانا دلوقتي خايف من تفكيرها ملحوظه اخيره هيا متدينه بشكل كبير وانا للاسف وقعت من تدينها كتيير وزعلان اووي علي كده وحاسس بذنب كبير
صديقنا العزيز
الفضول غريزة طبيعية داخل كل البشر … من الطبيعى عندما تحب انسان ويحدث امر معاكس ان تبحث عن اخباره فقط من باب العلم والفضول وليس بدافع الحب … حتى لو فرقهم مشاكل صعبه ادت الى الكراهيه ستجد ان كل من الطرفين يبحث عن اى شئ يتعلق بالطرف الاخر..ممكن يرجع هذا الفضول الى سبب نفسى معين او لأى سبب كان .. ولكنه فى النهايه امر لا يدل ابداً على انها تفكر فيه
لقد ذكرت فى رسالتك انكم اصدقاء قبل اىارتباط وانها تعرفك جيدا وتعرف ظروفك الماديه منذ فتره طويله ولا اعتقد ابدا ان هذا هو السبب وراء تغيرها تجاهك
السبب الحقيقى هو عدم ثقتك فى حبها لك …… اخى الكريم الصراحة والمواجهه هى الحل الوحيد تحدث معها بصراحة عن مخاوفك وعن ما بداخلك واخبرها انك ترغب فى ان تسمعها وتعرف حقيقة شعورها الان نحوك وهل هى فعلا ترغب فى استكمال هذا الارتباط فقط لأنها تحترمك وتقدرك وتخجل منك …..ام انها ماذالت معك بدافع حبها لك
اخبرها انك سوف تتقبل قرارها مهما كان هذا القرار ومهما كانت صعوبه هذا القرار على قلبك ولكن من الافضل ان تبنى حياتك على الصراحة والوضوح لا على الخجل
ثانيا : باب التوبه مفتوح .. تب الى الله وساعدها على التوبه الى الله حتى لو لم تكلموا الطريق معا
ساعدها على ان تحسن علاقتها بالله وادعوا الله ان يغفر لها ولك
اتمنى لك اخى الكريم ان يرفع الله عنك هذا البلاء وان يقدر لك الخير حيث كان