شادى الغزالي حرب لعلاء مبارك: "يا بجاحتك"

أبدى الدكتور والناشط السياسي شادى الغزالى حرب تعجبه بالقرار الصادر من دولة سويسرا برفع الحظر عن أموال أسرة مبارك مشيرًا إلى أن قرار رفع الحظر ليس دليلاً على براءة الرئيس الأسبق حسنى مبارك وأبنائه.
وعلق الغزالى حرب خلال تغريدته على موقع التغريدات المصغرة " تويتر": "أنا مستغرب بجاحة بتوع #مبارك اللي معتبرين رفع سويسرا الحظر على أموالهم ده دليل براءة!!
هو العادي أن الناس بتحوش فلوسها في بنوك سويسرا؟! أو إنك توصل لمنصب ومش معاك غير مرتبك وتطلع منه معاك مليارات؟!
القرار ده مش دليل براءة على قد ماهو دليل إن النظام اللي بيحكم كمان ليه فلوس هناك ".
وعقب بعض النشطاء المتابعين للتغريدة وقال أحدهم :" ومش زعلان من بجاحة الحكومة الحالية أنها هتبرم صفقات معاهم بالفلوس دي بس يجيبوها "، وأضاف آخر :"اللي هي كام و فين؟ طب الحرامي مبارك عرفنا أنه محوش 450 مليون دولار من مرتبه ال 12000 جنيه شادي اللي أنت بترمي بلاك عليه فلوسه كام و فين؟.
بينما اختلف أحد النشطاء قائلا :"مبارك ولاده كانوا شغالين في البيزنس جوا مصر ودا مش عيب على فكره لكن العيب على المرتزق اللي بيقبض من قطر وجاي يتكلم عن الشرف "
جدير بالذكر أن علاء مبارك نجل الرئيس السابق حسنى مبارك قال في أول تعليق على قرار سويسرا إلغاء قرارها بتجميد أموال أسرة الرئيس الأسبق حسني مبارك، من خلال تغريدته على حسابه الرسمي بموقع تويتر: "الحمد والشكر لله.. بِسْم الله الرحمن الرحيم". ونشر صورة من الآية الكريمة: "يا أيها الذين آمنوا إن جاءكم فاسق بنبأ فتبينوا أن تصيبوا قوما بجهالة فتصبحوا على ما فعلتم نادمين".