عبد الجابر لمعتز مطر: أنا بأيد السيسي .. موتوا بغيظكم

رد الإعلامي طارق عبد الجابر على الإعلامي المقيم بتركيا معتز مطر بعد توجيه انتقادات له بسبب عودته إلى مصر ، في معرض تعليقه على عرض تلقاه من الإعلامي حمدي الكنيسي للعودة لمصر ، قائلًا: "فيه أكتر من حل إلا إنك تكون طارق عبد الجابر".
وقال: "عبد الجابر" في مداخلة مع قناة "الحدث اليوم" : "اللي اتقال كلام سخيف وأنا مش هرد عليه ولا على اللي قاله .. أنا هقول للأخ معتز مطر كفاية إني في وطني وعايش في أمان وحرية وبشتغل وبأيد الرئيس السيسي وثورة 30 يونيو وأنا حر في اللي هقوله وكل حاجة عملتها باقتناع إني أرجع بلدي .. ياريت بقى أنت تعمل كدة وتنزل بلدك بقى .. لحد امتى هتفضل برة ؟ ".
وأضاف: "فكك يا أستاذ معتز من طارق عبد الجابر .. هو عاملك (ترابينة) في مخك؟ ولا ايه؟ .. يا عم انزل بلدك وانتقد زي ما كل الناس بتنتقد هنا وبنقول بحريتنا وبنتكلم وبننتقد كل حاجة والحلو بنقول حلو والوحش بنقول وحش .. عايز أكتر من كدة ايه؟ .. بلاش النغمة دي عشان الواحد مش عايز يتكلم ".
وتابع: "أنا نسيت الماضي دة خالص والله لا يعيده مرة تانية .. أنا كنت أخطأت ومشيت في الظلام وربنا أعاد لي بصيرتي ويكفي أن الرئيس السيسي قال يتفضل يرجع طارق عبد الجابر وغيره .. اللي حابب يرجع لأرض الوطن يتفضل .. ايه اللي في دي؟ .. بتهاجم دة ودة ودة والأستاذ حمدي الكنيسي .. هو أنت مش كنت بتشتغل في إذاعة الشباب الي هو رئيسها؟".
واستدرك: "دة شريف ودة مش شريف .. هي الوطنية بتتوزع ولا ايه؟ .. أنا مُصر إني بأيد الرئيس عبد الفتاح السيسي وبأيد ثورة 30 يونيو زي ما أيدت ثورة 25 يناير .. يلا بقى موتوا بغيظكم".
الفيديو: