طريقة عمل الفراخ المقرمشة

تحرص "المصريون" على معاونة الأسر المصرية خلال شهر رمضان من خلال تقديم أنسب الوجبات الصحية التي يمكن تناولها خلال الإفطار والسحور.
وجبة اليوم "الفراخ المقرمشة":
المقادير:
فرخة مقطعة ثماني قطع
بشر بصل
5 عدد فص ثوم مفروم
1 عصير ليمون
50 جم هريسة تونسى
2 كوب دقيق
1 باكو بيكنج بودر
2 ملعقة نشا 5 جم
ثوم بودر 5 جم بصل بودرة
5 جم شطة
2 عدد بيض
1 كوب لبن
5 جم ملح 5 جم فلفل
1 لتر زيت للقلى
طريقة تحضير الوصفة :
1-فى بولة نضع الفراخ وبشر البصل وملح وفلفل وثوم مفروم وعصير ليمون
2- وهريسة تونسى ونقلبهم مع بعض كويس ونسيبها تتبل ساعة فى الثلاجة
3-فى بولة نضع دقيق وبولة أخرى فيها دقيق وبيكنج بودر ونشا وثوم وبصل بودر وشطة وملح وفلفل ونقلبهم مع بعض كويس
4-وفى بولة نضع بيض ولبن وملح وفلفل ونقلبهم كويس أوى
5- ونجيب الفراخ نعفرها بالدقيق ثم فى البيض واللبن ثم فى الدقيق المتبل ونسيبها تتشمع نصف ساعة فى الثلاجة
6- وبعد التشميع فى طاسة فيها زيت سخن عميق نقلى الفراخ لحد ما يكون لونها ذهبى
7- وفى طبق التقديم نرص الفراخ ومعها كاتشب
-وتقدم وبألف هنا وشفا