مواقف فجَّرت غضب الرئيس

ظهر الرئيس عبد الفتاح السيسي، غاضباً أثناء حديثه في افتتاح عدد من المشروعات التنموية بمحافظة قنا، موجهاً تحذيراً شديد اللهجة لواضعي اليد على أراضي الدولة بأن مصر "مش طابونة".
وقال السيسي: "أنا بصراحة زعلان قوي في الموضوع ده، إن حد ياخد أراضي مصر وناس مش لاقية تاكل، وناس تمد إيديها ب10 آلاف فدان، و20 ألف فدان ياخدوهم ويقولوا دول بتوعي، والله العظيم ولا فدان واحد".
ووجه الرئيس تحذيراً شديد اللهجة لواضعي اليد على أراضي الدولة، قائلاً: "محدش ياخد حاجة مش بتاعته.. هي مش طابونة"، وطالب بتنظيم هذا الأمر، الذي اعتبره غير مقبول.
ووجه السيسي أوامره لوزارة الداخلية والقوات المسلحة لاستعادة جميع الأراضي التي تم الاستيلاء عليها بمنتهى القوة، ومن يعارض ستتم محاكمته.
ولم يكن انفعال السيسي، في افتتاح المشروعات القومية بقنا هو الأول، وفي الأغلب لن يكون الأخير.
"إحنا فقراء أوي"
وسبق وانفعل السيسي، خلال كلمته في مؤتمر الشباب بأسوان، خلال توجيه كلمة للشعب، قائلًا: "ناس كتير بتهاجمنا وبتشكك فينا وفي بلدنا، يقولك خلي بالك ده مبيعلمكش ومبيأكلكش، بس ما قالش خلي بالك إنك فقير أوي، محدش قال كدا".
وأضاف: "ياريت حد يقول لكم احنا فقراء أوي، يبقي احنا هنبني ونكافح ونصمد، وهنقول لهم رغم فقرنا هنتقدم وهنبقى كبار"
مشددًا: "اوعوا تكونوا مش مصدقين إنكم مش هتكونوا بلد عظيمة، وكلنا إيد واحدة، مش عاوزين حد يخش ما بينا".
ارتفاع الأسعار
انفعل الرئيس في مؤتمر الشباب الأخير، بسبب غضب المصريين من ارتفاع الأسعار، قائلاً: "اللي قبلي خدعكم وخاف منكم وأنا بحذركم من الثورة".
انفعاله على الإعلاميين
انفعل الرئيس أثناء كلمته في الندوة التثقيفية، موجهًا حديثه للإعلاميين: "أحد الإعلاميين قال إن السيسي إزاي يقعد مع سيمنز وشايف إسكندرية بتغرق.. عيب ميصحش كده"، مضيفًا أن القطاع الإعلامي "مليان كوارث".
وأضاف السيسي: "أنت عشان قدام منك كلام عاوز تقوله تعمل كده فى بلدك ولا ايه؟ احنا لازم نتعامل مع الموضوعات بالفهم اللازم.. وأحد الإعلاميين بيقول الرئيس قاعد مع بتوع سيمنز وسايب اسكندرية تغرق.. ما يصحش كدا انتو بتعذبوني إنى جيت هنا ولا ايه ؟".
وأشار إلى أن الأزمة التي وقعت حينها في الإسكندرية بعد هطول الأمطار وغرق الشوارع، كان لها تأثيراً كبيراً على قدرة الدولة وأجهزتها وبنيتها الأساسية، وكل مسئول يعرف هذه المشكلات جيدًا،"
وتابع: "احنا فى ظروف صعبة ماحدش قال فى موضوع إسكندرية إن فيه 60 ألف منزل اتبنوا خارج التخطيط بدون صرف صحى أو كهرباء أو مياه".
وأردف: "فيه ناس في الإعلام مش عارفه ولا فاهمة حاجة، حاطة ميكروفون قدامها وبتتكلم منه.. احنا مش بندوس على الزرار ونخلص ونقول كل حاجة فيها كارثة.. طيب يعنى الإعلام مافيهوش كوارث ولا إيه؟".
واستطرد: "أنا مش زعلان.. بس عاوز حد يقولي أنا اسأت لمين؟.. اتحدى إن حد يطلع أى تعبير غير مناسب أنا قلته لأي حد حتى للناس اللى بتسىء لينا وتتآمر علينا.. المرة الجاية هشتكي للشعب المصرى منكم"، موجهًا حديثه لبعض الإعلاميين.