أكد الرئيس عبد الفتاح السيسي على وجود خلل في كل مؤسسات الدولة ، مؤكدًا أن الأخطر من معرفة الناس لهذه الحقيقة هو عدم معرفتهم بها . وقال الرئيس في لقائه أمس : "الأخطر إنكم متعرفوش ولما متعرفوش تتحركوا .. ولما تتحركوا تهدوا بلدكم ولما تهدوا بلدكم تضيع .. يبقى أنا مكسبتش حاجة .. لا أنا هقول على الهواء عشان تعرفوا الحكاية وتصبروا وتتحملوا .. مفيش غير كدة .. محدش هيقدر يقولكم الكلام دة غيري أنا لأن كله هيتحسب إنه يتهاجم ". وأضاف: "التوصيف لمشكلة مصر خلال ال30 سنة اللي فاتوا مكانش حقيقي كان خداع و وعي زائف ليكم وبالتالي قالك حِل المسألة واتحرك وشيل .. و وانت بتتحرك وبتشيل .. بتشيل مستقبلك ". وأضاف: "عايز تتحرك تاني اتحرك .. بس أنت هتضيعها خالص وهتضيع بلدك خالص ومستقبلك أنت وولادك وولاد ولادك .. أنا بقول كلام والله العظيم اتحاسب عليه قدام ربنا مش قدامكم ".