شاهد تعليق وائل غنيم على آية حجازي

نشر الناشط السياسي وائل غنيم تدوينة على صفحته الشخصية ب"فيس بوك" عن استقبال الرئيس الأمريكي "ترامب" للناشطة أية حجازي عقب براءتها من قضية الاتجار بالبشر واستغلال أطفال الشوارع قائلا: "بعد براءة آية حجازي وخروجها من السجن، ترامب بيستفيد من القضية شعبيًا وبياخد اللقطة الإعلامية بتاعة إنه بيدافع عن حرية المواطنين الأمريكان، بشكل عام استقبال قادة سياسيين لرعاياهم بعد خروجهم من السجن أو نجاتهم من الخطر مسألة متكررة في كل دول العالم الديمقراطي ومش أول ولا آخر مرة هتحصل".
وأضاف "فيه ضابط مجرم فبرك ورق قضية قال فيه إن آية ومحمد (اللي اتبرعوا بفلوس فرحهم عشان يعملوا جمعية خيرية لرعاية أطفال الشوارع)، عملوا تنظيم سري مع 6 من زمايلهم المتطوعين عشان يعذبوا أطفال الشوارع ويغتصبوهم ويصوروهم وهما بيمارسوا الجنس مع بعض، عشان بعد كده يجبروهم على نزول مظاهرات سياسية، الضابط المجرم ده دلوقتي لسه في وظيفته عادي جدًا، بيفبرك ورق قضايا جديدة عشان ناس أبرياء تتحبس بسببه لسنين ويضيع عمرهم وقضيتهم بتتأجل، حد عنده سبب منطقي ليه أغلب الناس بتتكلم عن النقطة (1) ومش بتتكلم عن النقطة (2)".
وكان قد استقبل الرئيس الأمريكي "ترامب" أيه حجازي في أمريكا بعد الحكم بالبراءة في القضية المعروفة ب"مؤسسه بلادي" لإيواء أطفال الشوارع.