بالفيديو.. سيدة للسيسي: "عيشتنا بقت سودة"

"أسوأ حاجة حصلتلي العيشة السودا اللي إحنا عايشنها دلوقتي، شتمت الصحفيين عشانك ياريس وإنت متستهلش، مش عارفين نعيش من غلاء كل حاجة حولينا"..
كلمات خرجت من فم مواطنة في أحد شوارع وسط البلد، وهي في أشد حالة من الغضب قائلة: "الله يرحم زمن حسني كنا عايشين زى الفل ومفيش حاجه غالية زي دلوقتي"، متابعة "مش هستحمل 6 شهور كمان، إحنا استحملنا بيما فيه الكفاية.
ووصفت ل"المصريون"، كلام الرئيس عبد الفتاح السيسى، بالكذب قائلةً: "أنت كذاب وكل اللي حوليك حرامية جيش وشرطة، أنا أول واحدة فرحت لما عرفت أنك هتترشح ونزلت جري وانتخابيتك بس بعدها ندمت ندم عمري ومش هكررها تاني وانتخبك".
وفي آخر الحديث قالت: "أنا معايا ثلاثة أولاد وعايشين ب300 جنيه وعليا سنتين إيجار اعمل إيه أموت أحسن، مضيفة "أنا من ضمن الناس اللي نزلت عند نقابة الصحفيين وشتمتهم عشان خاطرك ياسيسي إنت والداخلية وندمت بعد كده عشان متستهلش ده".
شاهد الصور..
شاهد الفيديو..