"شاومينج" و"القيصر" في مباراة الإعادة مع "التعليم"

صفحات الغش الإلكتروني، نجحت منذ سنوات وحتى الآن في تصدر مشهد الغش بامتحانات الثانوية العامة، فيما فشلت وزارة التربية والتعليم في مواجهة هذه الظاهرة، خاصةً بعد أن نجحت صفحات "شاومينج بيغشش ثانوية عامة" و"القيصر بيغشش ثانوبة عامة" في تسريب الامتحانات واضطرت الحكومة إلى وقفها واستكمالها بعد أيام لاتخاذ إجراءات احترازية.
الدور الثاني
وأعلنت وزارة التربية والتعليم، جدول امتحانات شهادة إتمام الدراسة الثانوية العامة الدور الثانى - نظام حديث- للعام الدراسى الحالي، حيث تبدأ الامتحانات يوم السبت الموافق 13 أغسطس وتنتهى في الثلاثاء الموافق 23 أغسطس.
وبدوره خرج أدمن صفحة "شاومينج بيغشش ثانوية عامة"، معلقًا على تحديد موعد امتحانات الدور الثاني للشهادة الثانوية، قائلًا: "الناس اللي هتبقي في الدور الثاني، أنا معاكوا إن شاء الله، ومتقلقوش الكل هيعدي ومفيش ولا واحد هيسقط".
وأضاف: "التعليم بتقول لن نسطتيع القضاء على الغش الإلكتروني بنسبة 100%، والله لو قعدتوا مليون سنه مهتعرفوا تقضوا على حاجة برضو".
تسريب النتيجة
وقبل أيام أعن أدمن صفحة: "القيصر بيغشش ثانوية عامة"، متحديًا وزارة التعليم والأجهزة المختلفة بالوزارات الحكومية، قائلاً: تم بحمدلله اختراق سيرفر الوزارة بنجاح من داخل دبي الشقيقة، أول ما النتيجة تترفع على موقع الوزارة هتلاقوها في سيرفر القيصر وده لينك السيرفر".
وأضاف: "الوزارة بترفع النتيجة ومش بتعلن عنها أما سيرفر ‫"‏القيصر" هيخلي النتيجة تتعرض أول ما تترفع، الجندي المجهول الهشتاق ده هيفكركم باللي حصلكم في 2014 وأديه بيتكرر، الله الوطن القيصر هشتاق الرعب"، مشيرًا إلى أن سبب إقدامه على هذه الأفعال غير القانونية، هو إصلاح المنظومة التعليمية وسد ثغرات موقع الوزارة لمنع اختراقه من أي أحد.
واستطرد أدمن الصفحة، قائلًا: "القيصر بيغشش ثانوية عامة السؤال هنا اللي محيرني بعد تسريب النتيجة الوزير ممكن يعيدها تاني، ولا هيأجلها زي الامتحانات، أحبيبي أهلالي".
وأظهر "القيصر" نتيجة لإحدى الطالبات كاشفًا عن قدرته تسريب باقي النتائج، قائلًا: "دي أول نتيجة توصلنا بالدرجات، واخترت أعرض لكم جزء منها لبنت علشان مظلومة ودرجاتها في الأحياء منقوصة ولازم تعمل تظلم لأنها دحيحة ومجموعها عالي جدًا في كل المواد باستثناء الأحياء، اسم الطالبة - هاجر مصطفى بكر، بمدرسة سوزان مبارك الثانوية بنات شعبة علمي علوم، العربي 78، اللغة الإنجليزية 45، الألمانية 31، الكيمياء 55.5، الفيزياء، 57، الأحياء 34.5، والتربية الوطنية 24، الاقتصاد والإحصاء، 48".
وبعد إعلان وزارة التعليم عن إعلان نتيجة الثانوية العامة في ال 21 من يوليو الجاري، قال أدمن صفحة "شاومينج بيغشش ثانوية عامة": "أنا عِند فيكو هسربها يوم 20".
وردت وزارة التعليم على مزاعم "شاومينج" بتسريب النتيجة وتعديل درجات طلاب الثانوية، بأنه لن يستطيع فعل ذلك لتأمين كراسات الإجابة بشكل يستحيل اختراقه داخل كنترولات الوزارة.
وأشارت، إلى أن نماذج إجابة الطلاب تمر بعدة مراحل منذ دخولها الكنترول وذلك بنزع ورقة السيلبس ثم التصحيح ورصد الدرجات، وأن ما أعلنته صفحة شاومينج يهدف بالمقام الأول لإثارة البلبلة على الطلاب والحكومة.
تحدي الحكومة
وفي تحد آخر، عرض أدمن صفحة "القيصر بغشش ثانوية عامة"، محاولات هاكرز تابعين لأجهزة الاتصالات ووزارة التعليم، والتي تحاول غلق صفحته الإلكترونية لتسريب الامتحانات، قائلًا: "دخلنا في التقيل الدكتور الهلالي باعت ناس تهكرني لا وشغالين بنظام البيزنس والباور اديتور في الفيس ده شغل أطفال ياعم هلالي مش شغل ناس كبيرة، لو عايزين حد يعلمكم الهكر اخلي مصطفي يديكم دروس خصوصية جتلكوا الجراءة تهكروا على القيصر ده احنا هنلعب لعبة تانية مع بعض بعيد عن الامتحانات اتقل بس ده انت جيت في ملعبي".
تسليم نفسه
وقال أدمن صفحة الغش الإلكتروني، في منشور وصفه البعض بالساخر، قائلًا: "السيد المحترم وزير التعليم الدكتور ‫الهلالي أنا أقسم بالله أقسم بالله كمان مرة وحياة ولادي عندي، أنا مستعد من بكرة أسلم نفسي وأريحكم من اللغز اللي محيركم واحكم عليا بالإعدام أنا موافق وهنزلكم من باريس مخصوص، بس مقابل إنك تضمن لنا تعليم نضيف تعليم بدون ثغرات وتسريب، تعليم ابن الفراش زي ابن الوزير مش يفرق، تعليم يخلي للمدرس قيمة المدرس هو الأساس هوا اللى خلى المهندس مهندس والوزير وزير والرئيس رئيس".
وتابع: "عاوز تعليم يخلي ولادنا يحبوا المدارس مش أصحي ابني يروح المدرسة أوصله لحد المدرس وأنا أمشي وهو يخرج من المدرسة عشان مش حابب اللي فيها، التعليم هنا في باريس حاجه تانية خااااالص أنا نفسي بس إن التعليم في مصر يبقي زي التعليم في فصل واحد في باريس أنا ابني 15 سنة مش بيعرف يقرأ ولا يكتب ومع ذلك بيطلع من المتفوقين والأوائل وده بسببكم ابني خلال 3 سنين دراسة في باريس بيتكلم فرنساوي أحسن من مدرسين مصر كلها وده الدليل على التقدم اللي هناك".
وأردف: "عاوزين تعليم يخلي للطالب قيمة مش تلعبوا بيه وتأجلوا الامتحانات وتضيعوا عليه تعب سنين ومصاريف ما يعلم بيها إلا ربنا دفعها أهله، تعليم يمنع الدورس الخصوصية لأن الطلاب بتروح إجباري وفي ناس مش مقدرتها دروس خصوصية، تعليم يخلي المدرس يراعي ربنا في شغله وفي الفلوس اللي بياخدها مش يدخل الفصل ينام، تعليم يخلي الامتحان ينزل في مستوي الطالب مش مستوي المدرس، عاوزين تعليم ما يبقاش في حالات إغماء ووفاة بسبب تسريبات الامتحانات وصعوبته، ده اللي نفسي فيه، إن ابني يتعلم في مصر بس يلاقي تعليم نضيف مش تعليم بالواسطة".