آسف ياريس: علشان كدا مبارك كان لازم يمشى

قام آدمن " أسف ياريس"اليوم بنشر ،صورتين من القمة الإفريقية عام 2010، بحضور الرئيس الأسبق، حسني مبارك، وآخرى العام الجاري تجمع رئيس الوزراء الإسرائيلي بنيامين نتنياهو وسط قادة أفريقيا.
وعلق أدمن الصفحة، قائلًا: "شايف مين اللي متزعم القمة وواقف أول صف كتف بكتف جنب رئيس الدولة المنظمة ومتصدر المشهد وبقية رؤساء وحكام الدول الأفريقية كلهم يا جنبه يا وراه ؟ عارف ده مين ؟ ده مبارك اللي قالوا عليه مقاطع أفريقيا وهو بيقود ويشارك في أخر قمة في عهده سنة 2010 قبل وكسة يناير مباشرة، يعني لا كان مقاطع ولا كان بعيد زي ما فهموك علشان يداروا علي فشلهم وإن سد النهضة نتيجة ثورتهم!".
وتابع الأدمن: "من الآخر مبارك كان بالنسبة لدول أفريقيا هو الBig boss الراس الكبيرة فتوة وكبير قارة أفريقيا سنًا وتاريخًا وقوة وشخصية مستمدها من حكم مصر ومن قواتنا المسلحة ومن علاقاته القوية بجميع دول وحكام العالم يعني من الآخر معاه القوة والعلاقات اللي تخلي أي دولة أفريقية تفكر مليون مرة قبل ما تعمل حاجة تضر مصر ومصالحها".
وأكدت أن رئيس وزراء إثيوبيا، آنذاك كان دائم الطلب للقاء اللواء عمر سليمان، إنما حاليًا لم يستطع أحد الحديث معها، "استسمح ساعتها الرئيس مبارك إنه يبني سد النهضة، قاله لو حطيت طوبة فيه هنسفهولك وراح مشاه قفاه يقمر عيش، ولأن الرئيس مبارك ليه قرايب مهميين استغل علاقاته مع جميع الدول ووقف أي تمويل لإثيوبيا يخليها تبني سد النهضة".
بينما علق الأدمن على الصورة الثانية: "دي ينطبق عليها حكمة لا تقتلوا أسودكم حتى لا يأكلكم الذئاب.. إسرائيل متزعمة دول حوض النيل وإثيوبيا اللي مكناش بنسمع عنها حاجة زمان دلوقتي مش بنت سد النهضة اللي هيعطشنا بس لا ده كمان بتطالب إسرائيل النهاردة بالانضمام لدول حوض النيل ونتنياهو أهو بيطلعلنا لسانه وبيضحك علينا ! عرفتوا لية بقي كان لازم مبارك يمشي"؟