مؤلف مسلسل «كارثة طبيعة»: ليس خيال علمي.. «ومفيش بالطو 2»

قال الكاتب أحمد عاطف فياض إن مسلسل «كارثة طبيعية» من بطولة محمد سلام ينتمي لدراما حقيقة وليس من خيال المؤلف مشيرًا إلى أن ولادة سيدة ل 5 تؤام حدثت كثير في مصر وهنا حالة مسجلة بولادة 9 توأم.
وأضاف السينارست أحمد عاطف فياض عبر «فيسبوك»: «إجابات سريعة على أسئلة بتتسأل لى كتير منذ نزول برومو كارثة طبيعية: المسلسل 10 حلقات هينزل حلقتين كل يوم أربعاء بداية من الاربعاء الجاى بإذن الله على WATCH IT، كارثة طبيعية مش مسلسل خيال علمى ولا حدث خارق للطبيعة.. هو قصة واقعية لزوج وزوجة مصريين عاديين بيمروا فجأة بحدث بيشقلب حياتهم تمامًا، والحدث ده ممكن يحصل لأى حد عادى وهى إن الزوجة بتحمل في 5 أطفال مرة واحدة كحالة توائم متعددة ودى حالة حصلت كتير بالمناسبة في مصر والعالم كله والرقم القياسى المتسجل في مصر لحالات التوائم المتعددة هي ست جابت 9 أطفال في بطن واحدة وأستضافها عمرو الليثى واللقاء موجود على اليوتيوب بس محدش يتفرج عشان مانكسبهوش أرباح ».
وتابع: «نوع المسلسل بلاك كوميدي دراما».
وعن سؤاله عن مسلسل بالطو علق احمد عاطف: «فين بالطو 2؟ مبسوط طبعًا جداً انكو بعد سنتين ونص تقريبا لسة بتسألونى على بالطو 2 في كل مناسبة بس الحقيقة انا مش عارف مين قال إن فيه بالطو 2، بالنسبة لى قصة دكتور عاطف خلصت وماكنتش حابب فكرة إنى أكتب جزء تانى لمجرد استغلال نجاح الجزء الأول بدون ما يكون فيه حاجة معينة عايزين نقولها من المسلسل، وده مكنش رأيي لوحدى، لأ كان رأى منصة واتشت بردو اللى كانت مقتنعة بنفس وجهة النظر، وكذلك أصدقائى الأعزاء عصام عمر وعمر المهندس كانو بيفكرو بنفس الطريقة دى وده نفس رأيهم».
وعن ظهور كمال أبورية في مسلسل كارثة طبيعية: «أيوة اللى شوفتوه في البرومو صح.. كمال أبورية معانا في المسلسل وبقينا أصدقاء جداً ( اعترفت له في أواخر تصوير المسلسل على حوار إن أنا اللى أكتشفت مسلسل عزمى وأشجان بتاعه هو وفيفى عبده .. بس ده محتاج له بوست منفصل هبقى أحكيلكو قالى إيه خلونا في كارثة طبيعية دلوقتى».