شوبير ينفعل على الهواء بسبب شائعات توروب: «مش مقبول ولا معقول» (فيديو)

وجه الإعلامي أحمد شوبير، هجومًا حادًا ضد مروجي الشائعات بشأن موقف الدنماركي ياس توروب المدير الفني الجديد للنادي الأهلي من لاعبي الفريق الأحمر.
وقال شوبير خلال برنامجه التليفزيوني حارس الأهلي المذاع على شاشة قناة النادي: «عندنا مشكلة كبيرة جدًا إن في ناس بتقول إن توروب حسم مصير الراحلين عن الأهلي، طب إزاي والراجل لسه منزلش الملعب!».
وأضاف: «الشائعات بتتردد كتير إن توروب قال إن حسين الشحات وأحمد عبدالقادر مش موجودين مع الفريق الفترة القادمة، وديانج وكذا لازم يبقوا موجودين».
وتابع: «ياراجل توروب لسه منزلش التمرين، وبعدين تيجوا تقولوا شوبير بيكدبني طب يلا بقى حرب عليك، أنا بقولهم يا مليون مرحبًا، لإن كدة مش مقبول ومش معقول».
وأكمل: «لازم الخبر يبقى صحيح ومظبوط، أو نقول حتى اجتهاد، تخيل اللعيبة بيسمع كل شوية المدرب الجديد يوصي باستبعاد فلان، والمفروض بعقلانة لو على الرؤية حسين الشحات لازم يبقى موجود معاه لإنه في ماتش الزمالك سجل جون وتسبب في ضربة الجزاء اللي جيه منها هدف المكسب».