ريهام عبدالغفور تتحدث عن تجربة الفقد بعد رحيل والدها: «كأني اتكسرت نصين»

كشفت الفنانة ريهام عبدالغفور عن معاناتها بعد وفاة والدها، الفنان أشرف عبدالغفور، مؤكدة أن رحيله ترك بداخلها فراغا كبيرا لم تستطع تجاوزه حتى الآن.
وقالت ريهام، خلال لقائها في برنامج «بعد الغياب» مع يارا أحمد، إنها شعرت بأنها فقدت القدرة على فعل أي شيء، خاصة أثناء تصوير مسلسل «كتالوج»:«طول فترة التصوير كنت بعاني جدًا، ومش عارفة أشتغل خالص، دلوقتي بس ممتنة لربنا إن المسلسل عجب الناس، لأن وقتها كنت حاسة إني مش قادرة أعمل أي حاجة».
وأضافت:«فكرة التخطي دي أنا مش مستوعباها، وكأني حد كسرني نصين، أنا حواليا ناس فقدوا ناس قريبين منهم، لكن كان الموضوع معاهم أسهل».
وتابعت عن علاقتها بوالدها:«أنا كنت متعلقة بيه جدًا، وهو شخص عرف يسيب أثر في كل الناس اللي عرفوه، حتى لما كان يضحك، كنت بحس إنه ضحكة جاية من الجنة».
واختتمت حديثها قائلة:«الفقد مش بس في يوم الجنازة أو العزا، اللحظات الصعبة بتيجي كل يوم، في مواقف صغيرة لكن وجعها كبير».