تارا عماد: والدتي كانت معايا في كل لحظة من «كتالوج».. والمشهد الأصعب جاء بعد وفاتها

كشفت الفنانة تارا عماد عن كواليس إنسانية مؤثرة عاشتها خلال مشاركتها في مسلسل «كتالوج»، حيث تزامن تصوير العمل مع فترة فقدانها لوالدتها، لتصبح تجربتها في المسلسل مشحونة بالمشاعر والحنين، ومختلفة على المستويين الفني والشخصي.
ونشرت تارا عبر حسابها الرسمي على «إنستجرام» مجموعة من كواليس التصوير، وعلقت: «أقدر أتكلم عن نفسي وعن كل واحد اشتغل في المسلسل ده، سواء قدام الكاميرا أو وراها، إن كلنا اتأثرنا ب(كتالوج) بأشكال مختلفة، وفي نفس الوقت أثر فينا بشكل موحد… الفقدان، مع إنه محطة هنقف فيها كلنا، بس برضو دايمًا بتكون صادمة».
وأضافت: «آخر صورة هي من قاعدة كنا بنقرا فيها السكريبت كلنا، وفاكرة إني يومها رجعت البيت حكيت لمامتي عن المسلسل، وقد إيه كنت متحمسة. وقتها كانت فكرة الفقدان مش حاضرة جوايا بالشكل الحقيقي، كنت فاهمة الفكرة، بس الإحساس كان لسه بعيد».
وتابعت: «بدأت تصوير (كتالوج) السنة اللي فاتت، وصورت كام مشهد، وبعدها والدتي توفت – الله يرحمها. كملت التصوير بعدها بفترة، لأني كنت عارفة قد إيه كانت متحمسة وشايفة إني لازم أكمّل. والأقدار شاءت إن أول مشهد أصوره بعد غيابها، يكون فيه جملة: (ادعولها بالرحمة)... اللحظة دي، ولسه لحد دلوقتي، بحس إنها كانت معايا، حاسة بيا، وبتسندني… وما زالت».
View this post on Instagram
A post shared by Tara Emad تارا عماد (@taraemad)
يُذكر أن مسلسل «كتالوج» شارك في بطولته عدد من النجوم: ريهام عبدالغفور ومحمد فراج، ترا عماد، سماح أنور، دنيا سامي، والمسلسل من تأليف أحمد عبدالله ومن إخراج وليد الحلفاوي.