«مش دورنا الدفاع عن الأهلي».. شوبير يكشف كواليس خروج لاعبي الأحمر من المعسكر

علق الإعلامي أحمد شوبير على الصور المنتشرة للاعبي الفريق الأول لكرة القدم بالنادي الأهلي، داخل إحدى المولات في مدينة نيوجرسي الأمريكية، قبل مواجهة بورتو في الجولة الأخيرة من مرحلة دور المجموعات لبطولة دوري أبطال أفريقيا.
وأثارت صور للاعبي الأهلي، حالة من الغضب بين الجماهير خاصة بسبب استعدادًا للفريق لمباراة قوية وحاسمة للصعود للدور المقبل من البطولة، أو الخروج نهائيًا.
وقال شوبير في تصريحات تليفزيونية عبر قناة الأهلي:«في كلام كتير بيتقال وإشاعات كتير وحملة من إمبارح على لاعيبة الأهلي بسبب أنهم خرجوا شوية ودي فعلا حاجة غريبة، وأحنا مش دورنا الدفاع عن النادي الأهلي لا، أحنا بننقل الحقيقة».
وتابع:«امبارح الفرقة خرجت عملت تمرين قوي جدا الصبح دا بالنسبة للي ملعبوش، إما اللعيبة اللي لعبت عملوا استشفاء، ريبيرو قال أن اللاعيبة مضغوطين جدا من وقت ما وصلوا أمريكيا وهما الملعب للفندق للتدريب وكل شغلهم في الملعب والمدرجات».
وأضاف:«اللاعيبة بيشموا نفسهم إيه المشكلة، أنا كنت في معسكر الكابتن الجوهري وساعات غي معسكر عشرين يوم، وساعات الراجل كان بيخرجني ويقول اللاعيبة مضغوطين وغيره».
وأكمل:«اللاعيبة مشدودة وحزينة، لأنهم كانوا جايين بطموحات كبيرة وأحلام كبيرة، أرجوكم كفاية حملات، دا راحوا مول اللي اشتري كوتش وإللي اشتري تيشيرت، اللاعيبة هنا بتنزل على محاضرة أو تمرين أو استشفاء، كل الناس عاملين شغل كبير جدا والمرة دي بقولها بصيغة رجاء، بعض الناس اللي بتكتب خلاص،، اللاعيبة مموتة نفسها وبتحاول تعمل كل حاجة، وبإذن الله يعملوا».