كولر: سعيد بتخطي رقم المدير الفني التاريخي للأهلي ب18 انتصار متتالي

علق السويسري مارسيل كولر المدير الفني للنادي الأهلي، على فوز المارد الأحمر التاريخي اليوم على نظيره البنك الأهلي، وتحطيم الرقم القياسي للمدير الفني السابق للأهلي البرتغالي مانويل جوزيه بتحقيق سلسلة انتصارات للمباراة ال18 على التوالي مع الفريق.
وقال مارسيل كولر خلال المؤتمر الصحفي للمباراة: «مواجهة اليوم كانت صعبة، ولكن أحنا صعبنا المباراة على نفسنا بسبب كثرة الفرص الضائعة، ولكن مبسوطين وسعداء أننا قدرنا ناخد الثلاث نقاط وتحقيق الفوز التاريخي».
وأضاف: سعيد جدًا بتخطي رقم المدير الفني التاريخي للنادي الأهلي مانويل جوزيه، والوصول للمكسب رقم 18 مباراة على التوالي بدون خسارة أو تعادل».
وأكمل المدير الفني للأهلي: «سعداء جدًا والطريق صعب جدًا واحتاج مننا مجهود كبير ولعب كل 3 أيام مباراة وبيقع كل مباراة لعيب أو أكثر ولعيبة مع المنتخب الأولمبي، اللعيبة عايزة تكسب ومقدرة تيشيرت النادي الأهلي وعندها إصرار كبير».
وواصل: «عشان كدة قدرنا نحقق الفوز التاريخي ده، ولكن عايزين نكمل زي ماحنا ونكما انتصارات عشان نفوز بالبطولة اللي لسه مخلصتش، عندنا كمان 3 أيام مباراة قوية ولازم نكمل ونواصل بنفس القوة».
وأردف كولر: «ما وصلنا إلى هو بسبب الشغل الدائم طوال سنة كامة من الشغل والعمل، كل حاجة بتبقى محسوبة عشان نقدر نوصل للمرحلة دي، وكمان تجهيز اللعيبة اللي مبتعلبش دي من العوامل المهمة جدًا أنك تبقى مجهز كل اللاعبيين».
ونوه: «اللعيبة الدولية وصلت ل 70 مباراة وده رقم مرعب وصعب جدًا، محتاجة تفصل عن الكورة وإجازة، وكدة اللعيبة مش هتقدر تكمل الموسم الجاي، ولازم أديهم إجازة في ظل المواسم المتلاحمة».
وأتم: أنا ك مدير فني بتعب أني بتفرج على مباريات كتير وبحللها، ف عشان كدة بحيي جميع اللاعبيين اللي بتجري وبتتعب ومواصلة بنفس المستوى طوال الموسم».