هنروح كأس العالم وهنرجع كمان بالكأس

بقلم صالح شيحة
طبعا الأول لازم تعرف إن مفيش حاجة مستحيلة طول ما أنت عندك إصرار وإرادة إن تكمل وتواجه الصعوبات اللى ممكن تقابلك فى طريقك عشان تمنعك عن تحقيق حلمك ......
إحلم وأنت صاحى وإحلم وأنت نايم محدش يقدر يمنعك إنك تحلم وحدد إيه حلمك .....
خلاص حلمت ....إيه هو حلمك بقى ....نفسك فى إيه ..... على فكرة زى ما قلت فى الأول مفيش حاجة مستحيلة ......
تعالوا .... هنحلم حلم كل مصر بتحلمه وهو إن مصر تروح كأس العالم .....وما دام حلمنا إن مصر هتروح كأس العالم يبقى هتروح بس لازم تخطط صح ونعرف إيه المعوقات
وإيه اللى إحنا ممكن نحتاجه عشان نحقق حلمنا يعنى أقصد إننا نراعى ربنا حتى وإحنا بنحلم .....
أولا : تحديد الحلم أو الهدف :
الوصول إلى كأس العالم
ثانيا : يالا نفكر سوا إحنا محتاجين إيه عشان نوصل كأس العالم أو إيه المشاكل اللى بتواجهنا أو إيه السبب فى ضعف المنتخب
أول حاجة إحنا مفيش عندنا دورى واللعيبة بتوعنا محدش بيقدر يقولهم ناموا بدرى
اللعيبة برة بيتمرنوا 3 مرات فى اليوم ليهم أكل محدد ميعاد نوم محدد أما عندنا اللعيبة بيتمرنوا مرة واحدة فى اليوم أو ممكن ميتمرنوش خالص
بيأكلوا اللى عايزينه وبيناموا الفجر
الإعلام مش مهتم غير إلا بالأهلى والزمالك عشان كده مفيش عندنا دورى لأن اللعيب عشان يدى محتاج إنك تسلط عليه الأضواء محتاج جمهوروعشان كده ليه منعملش
قناة لعرض مباريات الدورى فقط جميع الفرق تتعرض مبارياتها عشان اللعيبة تتحفز وتأدى أحسن
ليه مش نخلى رجال الأعمال يستثمروا أموالهم فى كرة القدم وليه مش نربط الكورة بالسياحة ونعمل كأس مثلا نسميه كأس أبوالهول وتشترك فيه دول العالم كلها وننشط
السياحة ونزود إيرادات البلد
ندور على المواهب ونهتم بيهم والعمل على الإستثمار فيهم عن طريق رجال الأعمال عن طريق توفير بيئة مناسبة لهم فى توفير الأكل المناسب والتمرين المناسب والنوم
المناسب من أجل تشجيع سوق الإحتراف داخل مصر وخارجها .....
نهتم بالملاعب لكل فريق وتوزيع الأموال على الفرق بالتساوى وعمل دورات للتحكيم لزيادة مهارة التحكيم وإرسال مدربين لكى يتعلمون من الأوروبين كيف يقومون بوضع
الخطط وكيف يخرجون من الاعبين أفضل ما لديهم وصدقونى هنروح كأس العالم وهنرجع كمان بالكأس