«الجامد يعمل اللي هو عايزه».. الغندور ينتقد الأهلي وزيزو بعد التصرف الأخير

هاجم الإعلامي خالد الغندور، أحمد مصطفي زيزو لاعب الفريق الأول لكرة القدم بنادي الزمالك، وإدارة النادي الأهلي، بسبب انتقال اللاعب للفريق دون معرفة ناديه الحالي.
ويستعد النادي الأهلي للإعلان عن التعاقد مع أحمد مصطفي زيزو عقب نهاية الموسم الجاري، مع نهاية عقده مع الزمالك، لمشاركة اللاعب رسميًا مع المارد الأحمر في بطولة كأس العالم للأندية في أمريكا.
وقال خالد الغندور في «بث مباشر» عبر صفحته الرسمية على «فيس بوك»: «مصر كلها عارفة أن زيزو انتقل للنادي الأهلي من حوالي 4 شهور، المهم أن كل صحفيين مصر طلعوا وقالوا خلص وراح للخطيب وكان لابس إيه».
وتابع: «اللاعب طلع قالك لا محصلش، وبعده مسؤولين في الأهلي قالوا لا محصلش، واللاعب راح صور التقديم أصلا من يومين والإعلان بعد الماتش، واللاعب رايح أمريكا وكل مصر عارفة».
وأضاف: «حسب اللوائح من المفترض اللاعب اللي فوق 28 سنة مينفعش يتعاقد مع نادي تاني بدون معرفة ناديه، وقالك لا أنا روحت سفارة أمريكا عشان خاطر اتفسح أو زوجتي هتولد لكن كله عارف إن زيزو مبيقولش الحقيقة ولا والده بيقول الحقيقة ولا حد فيهم بيقول الحقيقة».
واختتم: «طبعا هو وقع ولم يتم إبلاغ الزمالك بس كل الناس عاملة من بنها، والجامد يعمل اللي هو عايزه».