خالد الغندور: انتقال إمام عاشور للأهلي هدفه ضرب مرتضى منصور والزمالك

شدد خالد الغندور لاعب الزمالك السابق على أن الهدف من ترويج شائعة انتقال إمام عاشور لصفوف النادي الأهلي هو ضرب استقرار الزمالك وحرب على مجلس إدارة نادي الزمالك برئاسة المستشار مرتضى منصور.
وشهدت الساعات الماضية انتشار أنباء عن توقيع إمام عاشور لاعب منتخب مصر وفريق ميتلاند الدانمركي مع النادي الأهلي ليكون أحد لاعبيه في الموسم الجديد.
وقال خالد الغندور في فيديو تم بثه عبر حسابه الشخصي على موقع «فيسبوك»: «كل اللي بيتقال عن انتقال إمام عاشور للأهلي كذب في كذب وحرب على مجلس الزمالك».
وتابع الغندور :«الكلام ده مش جديد والسيناريو ده حصل قبل كده مع لاعيبة كثير في الزمالك وكان لسه بيتقال على أحمد فتوح، وقبل كده كانوا بيقولوه على الونش ومحمد صبحي وطارق حامد وبن شرقي وزيزو، كل دول قالوا رايحين الأهلي، لا والبعض قال كمان مضوا العقود زي بن شرقي وزيزو، لكن الوحيد اللي كان عليه اشاعات وبالفعل اتنقل كان كهربا واتوقعت عليه عقوبة كبيرة لسه بيعاني منها».
وأضاف خالد الغندور: «مرة واثنين وثلاثة كل ما يكتب حول إمام عاشور كلام عار من الصحة تروج له اللجان الالكترونية المعارضة للمستشار مرتضى منصور وبعض الصفحات الأهلاوية اللي نفسها تخلق مشاكل أو تعمل تريند لكن أنا بقول لكم الحقيقة كاملة في موضوع إمام عاشور».