«الفلوس بتعمل مشاكل».. فيفي عبده تشهد في أزمة بوسي شلبي وأسرة محمود عبدالعزيز

كشفت الفنانة فيفي عبده، تفاصيل شهادتها في أزمة الإعلامية بوسي شلبي وورثة الفنان الراحل محمود عبدالعزيز.
وقالت قيقي عبده، في برنامج «كلام الناس» الذي تقدمه الإعلامية ياسمين عز، على قناة MBC مصر، إنها تقول شهادة حق، مشيرة إلى أنها كانت قريبة جدًا من بوسي شلبي ومحمود عبدالعزيز.
وأضافت: «كنا دايما نتقابل، ورحت معاهم عمرة وحج، ووقتها كان لازم يكون معها محرم، أنا فوجئت بموضوع الطلاق، نزل علينا زي الصاعقة».
وتابعت: «ليه دلوقتي الموضوع طلع دلوقتي، ليه مش بعد ما مات على طول أو لما موجود، ليه المشكلة دي طلعت دلوقتي، أنا مش عارفه السبب».
وأكملت عبده: «جاي النهارده بعد 9 سنوات من وفاته، تقول ده كان مطلقها، عيب بعد خدمتها للراجل يكون رد الفعل كده، وتكون دي المكافأة، الفلوس بتعمل مشاكل جامدة، الواحد لازم يصرف فلوس كلها وميسبش مليم، ده كله بيقولوا الورث، مش عارفه الحقيقة إيه؟».
وأوضحت: «بوسي شلبي كانت زوجة محمود عبدالعزيز قدام الدنيا كلها، والزواج إشهار، دي كلمة حق، مفيش حاجة تجبرني إني أكذب، أنا شفت الست دي متزوجة الراجل ده، وطول الوقت هي معاه مراته قدام الناس كلها مراته».
ياسمين عز: قلتي تصريح قوي عن أزمة الفنان الراحل محمود عبدالعزيز.. فيفي عبده تكشف لأول مرة تفاصيل عاشتها مع أسرة الساحر
برنامج #كلام_الناس من الخميس – الأحد الساعة 6 مساءً بتوقيت القاهرة على #MBCMASRhttps://t.co/Ddga0AC1c7 pic.twitter.com/obWWkIPuxK
— MBC مصر (@mbcmasr) May 9، 2025
اقرأ أيضًا:
مدبولي يكشف مصير الموظفين والعمال بعد تأجير المستشفيات الحكومية (فيديو)
ساويرس يغير محل إقامته إلى إيطاليا.. ما السبب؟
«الجنيه ب500».. خبير ذهب ينصح بالاستثمار في الفضة (فيديو)