زيزو يعلنها: من حقي ألعب في الأهلي

فجر أحمد مصطفى «زيزو»، لاعب الزمالك، مفاجأة، بشأن توقيعه عقود الانتقال إلى الأهلي، للانضمام إليه، بعد نهاية عقده الحالي.
ونقل الإعلامي هاني حتحوت تصريحات ل أحمد مصطفى زيزو، عبر إذاعة «أون سبورت»، والتي قال فيها: «أنا بتمرن كل يوم مع الزمالك، هحارب لآخر وقت ولو الموضوع مشي ف أنا معاك لقينا حل يبقى خير وبركة».
وأضاف: «قال أنا بحترم الزمالك وأكل عيشي ولحد آخر لحطة في الزمالك هكون بتمرن سواء اللحظة كمان كام شهر أو بعد كدة».
وأكمل: «التوقيع للأهلي؟ أنا موقعتش للأهلي ومليش دعوة أبويا وقع على إيه ولا لا. بيقولوا مخلص كل حاجة، لو أنا مخلص كل حاجة هروح سفرية جنوب إفريقيا؟!، ما كان الأولى أمسك رجلي وأريح وأنا فعلًا محتاج كدة، ومش هدعي الإصابة».
وأكمل: «أنا اكتر لاعب في الدوري المصري بلعب ماتشات وعمري ما اشتكيت فطبيعي يحصل لي كدة. الأهلي نادي محترم وبحترمه وحقي اللعب فيه والتاريخ مش بيتمسح. ومش همسك قلم وأمضي غير لما أحسم موضوع الزمالك».