بسبب نسب المشاهدات.. شقيق ياسمين عبدالعزيز يدعمها برسالة مثيرة للجدل : «الأفعال فاضحة يا بيه»

ما زال الفنان وائل عبدالعزيز، يدعم شقيقته الفنانة ياسمين عبدالعزيز، بعد نجاحها في مسلسل «وتقابل حبيب» الذي حقق أعلى نسب مشاهدة خلال شهر رمضان 2025، وذلك تزامنًا مع منافسة طليقها أحمد العوضي لها بمسلسل «فهد البطل»، ونشره ترتيبه في قوائم الأكثر مشاهدة وحدوث حالة من السخرية فيما بينهما عبر مواقع التواصل الاجتماعي.
وائل عبدالعزيز يدعم شقيقته ياسمين عبدالعزيز
ونشر وائل عبدالعزيز عبر حسابه الرسمي على «فيسبوك»؛ قائلًا: «الادعاء المبالغ فيه بأفكار وعقلية مصطنعة للأسف هو فعل فاضح في طريق المعاملات السوية… الشخصيات المزيفة مش محتاجة مجهود علشان تتعرف … لأن محاولة الإثبات والإقناع والإبهار بتخليهم يتكلموا من أوطي نقطة للوعي … مش مبنية على قيم حقيقية … فتلاقي الكلام وعكسه حسب المواقف والأهواء.. قول زي ما تقول … الأفعال فضاحة يا بيه … مؤشرات التقييم اللي طالعة نازلة ده بتخلي الناس اللي وعيها قليل تتوه في إنها تقفشك … بس الواعي، كاشفك شايفك عارفك … بس مش فاضيلك … لأن الواعي مركز في إطاراته اللي بيصنعها لتحقيق أهدافه … فمش كل معسول الكلام سماعه حلو … فأهالينا علمونا بفطرتهم أن أغلب السم بيبقي في العسل».
وتفاعل الجمهور مع منشوره، معبرين عن حبهم الشديد لدعمه الدائم لشقيقته في كل الأحوال؛ قائلين: «سيبك من كل ده اجمل ما في الموضوع انك سند لأختك ربنا يخليكو لبعض يارب»، «أجمل حاجه في كل اللي بيحصل انك واقف في ضهر ياسمين زمان كانو بيقولنا ده لما الإنسان يتوجع بيقول أخ ربنا يخليكم لبعض أي علاقة ممكن تتعوض تاني إلا علاقة الأخوات»، «انت أجدع أخ شفته في حياتي سند لياسمين بجد»، «أنا مبسوطة إنك واقف في ظهر ياسمين ربنا يخليكم لبعض وحقيقي مهما عمل عمره في حياته مهيكون منافس ليها مهما حصل».
اقرأ أيضًا:
ياسمين عبدالعزيز تثير الجدل برسالة غامضة.. هل تقصد أحمد العوضي؟
«أقرب منافسيه»..كيف رد أحمد العوضي على جدل المسلسل رقم 1 وتصدر «فهد البطل»؟