بعد غياب 3 سنوات.. حنان ماضي تطرح أحدث أغانيها «كسبنا مشاعرنا» (فيديو)

طرحت المطربة حنان ماضي، أحدث أغانيها بعنوان «كسبنا مشاعرنا» من توزيع خالد عويضة، وكلمات وألحان محمود أكرم، ووتريات تامر غنيم، وميكس وماستر أمير محروس، والجلسة التصويرية الخاصة بالأغنية من إخراج أمين إسماعيل.
آخر أعمال حنان ماضي
و عادت حنان بأغنية «كسبنا مشاعرنا»، بعد فترة غياب دامت لمدة 3 سنوات، منذ آخر أغانيها «رمانك حداق»، التي طرحتها في شهر سبتمبر لعام 2021، في حين كان أحدث ظهور ل حنان ماضي بإحياءها حفلًا غنائيًا على خشبة مسرح الحكمة بساقية عبدالمنعم الصاوي يوم 19 ديسمبر الماضي، قدمت خلالها باقة متنوعة من أشهر أغانيها، إلى جانب تترات المسلسلات التي أرتبطت بأذهان ووجدان الجمهور منذ التسعينيات وحتى الآن منها «شباك قديم، شدي الضفاير، ليلة عشق، عدى الهوا، امتى الكلام يبتدى، عصفور، غناك يا بحر، وانت بعيد، كان وكان، اللقاء الثاني، المال والبنون وقصة الأمس.
كلمات أغنية «كسبنا مشاعرنا»
و تقول كلمات أغنية «كسبنا مشاعرنا»:
متقلقش انت برضه كبير في عيني..قصاد الناس حتفضل زي مانت
و كل اللي حصل بينك وبيني ..بينك وبيني
متقلقش اكيد الجاي في حياتك..اكيد افضل وحيغير في حساباتك
يعز عليا اني اقول حبيبي وداع ..حبيبي ودااااع
متقلقش انت برضه كبير في عيني..قصاد الناس حتفضل زي مانت
و كل اللي حصل بينك وبيني ..بينك وبيني
متقلقش اكيد الجاي في حياتك..اكيد افضل وحيغير في حساباتك
يعز عليا اني اقول حبيبي وداع ..حبيبي ودااااع
مادام احنا حبيبي خلاص كده اخترنا..مفيش داعي نبوظ برضه منظرنا
و في الاخر كسبنا حبيبي مخسرناش.. كسبنا اننا كسبنا مشاعرنا
بلاش نعتب على حاجه عملناها..و مين فينا بيعمل حاجه مقصدهاش
علاقتنا دي صفحه خلاص قفلناها ..و ادينا بنتفق نبعد وبالمعروف
امانه عليك يا روح الروح ماتنساني..امانه مهما غبت الدنيا ماتنسيك
حبيبي حتعيش اكيد بعدي حياه تانيه..و مين عارف
مايمكن تاني تجمعنا سوا الدنيا..و جايز ويا بعض نعيش قصص تانيه
يا عالم بكره بالنسبالنا شايل ايه ..و ايه مخبيه
مادام احنا حبيبي خلاص كده اخترنا..مفيش داعي نبوظ برضه منظرنا
و في الاخر كسبنا حبيبي مخسرناش..كسبنا اننا كسبنا مشاعرنا
بلاش نعتب على حاجه عملناها..و مين فينا بيعمل حاجه مقصدهاش
علاقتنا دي صفحه خلاص قفلناها ..و ادينا بنتفق نبعد وبالمعروف
اقرأ ايضًا
حنان ماضى وريهام عبدالحكيم نجمات افتتاح مهرجان الأوبرا الصيفى