الجيران يودوني المستشفى ويكلمو أهلي.. زوجة أمام محكمة الأسرة: بيضربني بالبونية في وشي

أقامت ربة منزل دعوى طلاق للضرر أمام محكمة الأسرة ضد زوجها، موضحة في صحيفه دعواها أنها تمكث في المستشفى أكتر من بيتها بسبب ما يفعله زوجها معها.
أصرت المدعية في أولى جلسات نظر دعواها أمام محكمة الأسرة على موقفها بالطلاق، قائلة: «من يوم ما اتجوزته وبيتعامل معايا كأني واحد صاحبه، دائمًا بيضربني بالبونية على أتفه الأسباب، والجيران بيودوني للمستشفى بعد ما يضربني، وبيكلموا أهلي عشان ياخدوني من المستشفى كل مرة وبقعد فيها اكثر من بيتى».
وأقرأ أيضا: بعد 6 شهور زواج.. سيدة في دعوى خلع أمام محكمة الأسرة: «طلب مني أسبقه لبيت صديقه الأعزب»
وتابعت المدعية خلال نظر دعوى طلاق للضرر أمام محكمة الأسرة: «أنا حاصلة على مؤهل عالي وزوجي يربطني به صله قرابة، وتزوجنا بعد فترة خطوبة استمرت عاما، ووافقت على طلبه بالتفرغ للبيت، وكان يعمل عامل بإحدى مصانع تصنيع المواد الغذائية، وحملت بسرعة، ولم يراعي تعبي»، مضيفة: «زوجي عصبي، وبدأت الخلافات بينا بعد إنجاب طفلنا الأول، لانه كان يتعدى عليا بالضرب».
وأضافت المدعية: «حملت وخلفت بنتي التانية على طول، وبدأت المسؤولية تكبر على زوجي، وأنا مقدرة ده وما بطلبش منه فوق طاقته، ولكن بدأت عصبيته تزيد مع الوقت، وبدأ يطلع زهقه عليا، ومعاملته معايا بقت جافة، وبقا يضربني ضرب جامد ب«البونية» في وشي كأنه بيتخانق في الشارع، وما حدش من الجيران كان يقدر يتدخل الإ بعد ما يخلص ضرب ويخرج، فكانوا بيودوني المستشفى ويكلمو أهلي عشان ياخدوني».
وأقرأ أيضا: «عاوز منهم نصايح».. سيدة أمام محكمة الأسرة: «بيحكي أمور زوجية حساسة لأصحابه» (تفاصيل)
سيدة أمام محكمة الأسرة: «بعد مايضربنى يجي يصالحنى»
وذكرت المدعية أمام محكمة الأسرة : «بعد فترة كان بيجي يعتذر وكنت بروح معاه؛ عشان أحافظ على البيت، وبعد رجوعي بفترة كان يكرر ده معايا تاني وأهلي يقولولي ماتروحيش معاه، وكنت برفض وبرجعله عشان عيالي، ولكن بدأ يزيد فيها، لحد ما تأكدت أني مش هقدر أعيش معاه تاني، وطلبت منه الطلاق فرفض وقالي أنا بحبك وعايزك، فاضطريت إني أرفع دعوى طلاق للضرر ضده».