موظفة أمام محكمة الأسرة: «وافقت والده يعيش معانا في الشقة لكن حصل اللى مكنتش أتوقعه»

أقامت موظفة دعوى طلاق للضرر ضد زوجها أمام محكمة الأسرة، وقالت في صحيفة دعواها أن سبب دعواها استغلال زوجها لها.
وتابعت المدعية أمام محكمة الأسرة: «تزوجت في منتصف الثلاثينات من زوجي الذي يكبرني ب15عاما، ورغم فرق السن والمستوى الاجتماعي بيننا، وافقت على الزيجة عشان سني كبر، وكنت خايفة ماحدش يتقدم لزواجي، وخصوصًا إني مش جميلة أوي، وكنت قلقانة أعيش بقية حياتي لوحدي».
وأقرأ أيضا: صدمني.. سيدة أمام محكمة الأسرة: «رجعت من بره لقيت جوزي واقف قدام المرايا وبيلبس هدومي»
وأضافت المدعية: «تزوجت منذ 5 سنوات من موظف بسيط، ووافقت على طلب زوجي وعيشت مع والده في نفس الشقة لكن حصل اللى مكنتش أتوقعه من زوجي».
موظفة أمام محكمة الاسرة: «ما سألش على أنا وبنته»
وذكرت المدعية أمام محكمة الأسرة خلال نظر دعوى الطلاق للضرر: «بعد الجواز حملت، وبدأت أصرف من مالي الخاص على متابعتي للحمل عند الطبيب المعالج، عشان أساعده في أمور الحياة، ولكن بعد الولادة، بدأ يعتمد إني بصرف على البيت بشكل كبير، ومابيسألش عن احتياجتنا أنا وطفلتنا، لحد لما وجدت نفسي مش قادرة أشيل البيت لوحدي».
وأقرأ أيضا: بعد 6 شهور زواج.. سيدة في دعوى خلع أمام محكمة الأسرة: «طلب مني أسبقه لبيت صديقه الأعزب»
سيدة أمام محكمة الأسرة: «استغلني هو وأبوه»
وأضافت المدعية أمام محكمة الأسرة «رضيت بالأمر الواقع وكنت بتكفل بمصاريفي أنا وبنتي، لحد ما بدأ يطلب مني أعمل حساب أبوه وده اللى مكنتش متوقعه منه، أنه عيشنى معاه في الشقة عشان يستغلوني ماديا وده اللى مكنتش متوقعه منه، حاولت في البداية عشان كِبر سنه ولكن مع الوقت وزيادة متطلبات ابنتي، وجدته بيحملني فوق طاقتي، ولما اعترضت كان بيتخانفق معايا على أتفه الأسباب ويشتمني، ويتعدى عليْ بالضرب، عشان أديله فلوسي بالعافية».
وأقرأ أيضا: «البيضة كشفته».. سيدة أمام محكمة الأسرة: «جوزي من بخله بيخبي الأكل في هدومه»
[image:3:center]
وبعد سماع المحكمة الشهود وانتداب حكمين للصلح بينهما وإصرار الزوجة على الطلاق قضت محكمة الأسرة بتطليقها خلعا طلقة بائنة.