«كنت بفكر إزاي الناس تحبني».. أحمد سعد يروي تجربة مع الشهرة في ألبومه الجديد

شوق النجم أحمد سعد جمهوره، لألبومه الغنائي الجديد والمنتظر والمقرر إطلاقه عبر جميع منصات الموسيقى بدءًا من 15 يناير الجاري تحت عنوان «حبيبنا».
ونشر أحمد سعد عبر حسابه ب«فيس بوك»، فيديو ترويجي للألبوم إذ ظهر في منطقة القاهرة التراثية بمشاهد رائعة وتحدث فيه عن تحقيق حلمه.
وقال سعد في الفيديو: «حاجة جميل أوي يكون عندك حلم والأجمل من كده أنك تحققه، طول عمر أحلامي ملهاش سقف، وأنا صغير كنت بحب المزيكا أوي كنت بشوف كل حاجة ألحان حتى الكلام كنت بشوفه لحن كان أخواتي بيستغربوا».
وتابع: «وأنا صغير إزاي طفل يحفظ الحاجات التقيلة دي كنت بسمع مشايخ وأم كلثوم وعبدالوهاب وكنت بسأل نفسي هتغني أيه فيه كنت بسمع كل أنواع الموسيقى كنت بدور على شكل الناس تشوفني فيه واتصدمت أول صدمة عرفت إن الطريق مش سهل».
واستكمل: «كنت محتاج الناس تحبني وفضلت اسعى واسعى وأعمل أشكال جديدة في المزيكا قعدت 15 سنة بعمل اللي بحبه واللي الناس بتحبه أشوف زمايلي بتعمل أيه علشان أشوف اللي الناس بتحبه».
واستكمل أحمد سعد: «وصلت إن أعمل اللي الناس بتحبه بالطريقة اللي بحبها وجه النجاح اللي مجاش بين يوم وليلة الناس بقت تحبني وتحب أغانيا وبقيت ببقى طاير في السما وأنا طاير على المسرح».
وأردف: «الناس بتغني ورايا وبتقول أيه اليوم الحلو ده ووسع وسع وعرفت إن المسئولية ابتدت أنا محتاج أعمل اللي بناس بتحبه واللي أنا بحبه وأنا مصدق مصدق إن اللي بتحبه من قلبك الناس هتبحبه معاك وهي دي تجربتي المرادي هعمل اللي بحبه وهاخد الناس وهطير في السما باللي أنا بحبه الأيام الجاية هتعرفوا أيه هي التجربة».
ألبوم سعد الجديد
يستعد المطرب أحمد سعد لطرح ألبوم غنائي جديد بعنوان «حبايبنا»، إذ من المقرر أن يطرح في العام الجديد، والذي من المتوقع أن يشهد من خلاله نجاحا كبيرا مع بداية عام 2025، ومن المقرر طرح الألبوم في 15 يناير الجاري.
اقرأ أيضًا:
أحمد سعد يستقبل العام 2025 بألبوم جديد (تفاصيل)