عمرو أديب يعلق على تهديد ترامب للشرق الأوسط بالجحيم: «إحنا نتاخد كده!» (فيديو)

علق الإعلامي عمرو أديب على تهديد الرئيس الأمريكي المنتخب دونالد ترامب بتحويل الشرق الأوسط إلى جحيم، إذا لم يتم الإفراج عن الرهائن الإسرائيليين في غزة قبل تنصيبه رئيسًا جديدًا في 20 يناير المقبل.
وقال أديب، في تعليق ببرنامجه «الحكاية» عبر قناة «MBC MASR»، مساء الإثنين: «نفسي أفهم الإسرائيلي ده، قيمته عالية أوي كده ليه، إيه قيمة الإسرائيلي؟! بيعمل إيه يعني؟!».
وأضاف: «ولو ده محصلش هيحصل إيه يعني، جحيم إيه؟! هو في جحيم أكتر من اللي شافته غزة، الكلاب بتأكل جثث الناس في غزة، هو الجحيم هيكون أسوأ من كده، جحيم إيه هي غزة لسه فيها حتة تضرب! ويعني إيه الشرق الأوسط؟! هو الشرق الأوسط صغير أوي كده، إحنا كده، إحنا نتاخد كده، الكلام يتقال علينا كده!».
وتابع أديب: «بيقول الشرق الأوسط كله، مش حتة معينة، الشرق الأوسط كله ليه؟! عشان كل الناس تجري تخلص الموضوع. لا أنا أولع في الشرق الأوسط كله عشان الإسرائيلي، إيه أهمية الإسرائيلي؟! وليه الآن فجأة؟! ماقالش كده عن روسيا وإيران وكوريا الشمالية».
عمرو أديب ردا على ترامب: جحيم ايه هي غزة فيها مكان يتضرب!؟ وهل الشرق الاوسط صغير كده.. ماقالش كده عن روسيا وإيران وكوريا الشمالية
شاهدوا #الحكاية على #MBCMASR من الجمعة للاثنين 10م بتوقيت القاهرة من هنا https://t.co/dw22cTIRCQ pic.twitter.com/0bjInqQQ4Z
— الحكاية (@Elhekayashow) December 2، 2024
اقرأ أيضًا:
* يأكل هذا الخضار طوال حياته.. مدرس يكشف سر وصوله إلى عمر 100 عام
* مخزن للبكتيريا والسموم وخطر على الأطفال.. 7 أجزاء «ممنوعة» في الدجاجة
* بعد حيلة «كيس الملح».. تحذير جديد من سرقة الكهرباء ب«الريموت كنترول» (فيديو)