«عشان تعمل خميرة».. عمرو أديب للشباب: «اوعى تشتغل الشغلانة دي» (فيديو)

كشف الإعلامي عمرو أديب عن نصيحته للشباب المتخرج حديثًا من الجامعات، من أجل بداية حياتهم المهنية.
وقال أديب، في تعليق ببرنامجه «الحكاية»، عبر قناة MBC MASR، إنه التقى مؤخرًا مجموعة من الشباب في أحد المطاعم، وطلب أحدهم منه النصيحة بشأن مستقبله بعد التخرج من الجامعة.
وأضاف: «أنا عادة مش من الشخصيات الناصحة، لكن فجأة لقيتني بقوله حاجة غريبة جدًا، بقوله اوعى تشتغل موظف تحت أي ظرف، أيا كان التخصص بتاعك، الموظف هيفضل طول عمره موظف».
وتابع: «ابدأ حاجة وافشل مش مشكلة، اعمل حاجة تانية، لغاية ما توصل، لو عايز يبقى معاك خميرة أو عايز يبقى معاك فلوس، مفيش موظف بيوصلن اللي بيحصل اللي عنده حاجة بيعمل حاجة بيبيع حاجة، التاجر هو الوحيد اللي بيعمل فلوس».
وأشار «أديب» إلى أن أغلب مليارديرات العالم لا يعملون موظفين، متابعًا: «عشان تعمل حاجة اوعى تشتغل موظف، إنما اللي عايز الأمان والكلام ده اشتغل موظف».
عمرو أديب: كنت بجيب أكل وسألني شاب قالي انا هتخرج تنصحني بإيه؟ .. قلتله أوعى تكون موظف.. اعمل حاجة وابدأ حتى لو هتفشل
شاهدوا #الحكاية على #MBCMASR من الجمعة للاثنين 10م بتوقيت القاهرة من هنا https://t.co/dw22cTIRCQ pic.twitter.com/WKMYJsra2g
— الحكاية (@Elhekayashow) November 15, 2024
اقرأ أيضًا:
*بعد حيلة «كيس الملح».. تحذير جديد من سرقة الكهرباء ب«الريموت كنترول» (فيديو)
*حقيقة زيادة أسعار كروت الشحن وباقات الإنترنت.. رئيس لجنة الاتصالات يكشف (فيديو)
*مخزن للبكتيريا والسموم وخطر على الأطفال.. 7 أجزاء «ممنوعة» في الدجاجة