«رقم 19 وأنت مش على الخريطة» .. ماذا حدث بين رامي صبري وويجز؟ (تقرير)

الوسط الفني ملئ بالحكايات والأسرار والمواجهات المباشرة بين أبنائه كذلك مثلما حدث مؤخرا بين رامي صبري و«ويجز»، فظهور رامي صبري في برنامج «حبر سري» وإطلاقه عددا من التصريحات، دفعت مطربين آخرين للرد عليه خاصة «ويجز».
في السطور التالية، أبرز ما قاله الثنائي ضد بعضهما البعض
رامي صبري: ويجز مجتهد وبيذاكر
وقال رامي صبري خلال حواره مع الإعلامية أسما إبراهيم ببرنامج «حبر سري»، على شاشة «القاهرة والناس»، أنه ليس له علاقة بالمهرجانات ويرفض غنائه، ويرفض أن يترك اللون الذي تميز فيه من الغناء، مضيفًا: «أوافق أن أشارك في عمل غنائي ثنائي راب مع مروان بابلو وويجز، مؤكدًا أن ويجز مجتهد وفرض نجاحه وأغانيه معروفه، وجميع مطربي الراب نجحوا وليس هناك أي شخص ضد النجاح.
وشدد على أن ويجز شاطر ومجتهد وبيذاكر على الذي يتمزون فيه، موضحًا أنه قريب من الراب وليس المهرجان، و«المهرجان موسيقى شعبي جاي من تحت أوووي، لغة تانية غير اللغة بتاعتنا، فرقة زي كاريوكي متميزين ومجتهدين ولديهم صوت موسيقي ممتاز، لديهم مشروع ولهم جمهور وبيعملوا موسيقى مميزة ومحترمة، وحفلتهم تنجح بشكل كبير لغتهم زي اللغة بتاعتنا».
وتابع رامي صبري خلال لقاءه : «المهرجانات مش ذوقي وضد أي حد يقطع رزق حد.. طول ما المهرجان في نطاق الأدب والاحترام تمام وليس هناك أي شخص رقيب على الذوق العام، القانون لازم يتنفذ على الكل عشان نقتنع بفكرة المنع».
ويجز يرد على تصريحات رامي صبري بعد حديثه عن أغاني الراب
رد مغني الراب ويجز، على تصريحات المطرب رامي صبري بعد حديثه عن أغاني الراب، وقال ويجز في فيديو من خلال «ستوري» عبر«انستجرام»:«هتكلم على فنان فاكر إنه عنده الصلاحية إنه يطلع يتكلم عن أي حد في أي وقت والناس تسمع وتسكت.. الفنان ده اسمه رامي والفنان دا كل ما بيقعد من 4 ل 5 شهور يزهق ويطلع يتكلم على بتوع الراب في التليفزيون».
وأضاف: «هتكلم امتي على بتوع البوب اللى أنت منهم واللى في مجالك أنا شايف مبتفهمش في الراب حاجة زى ما أنت قولت قبل كدة ومش هتعرف تعمله وأنت كدة مبتقدرش الفنانين وفاكر أن هما عايزين يوصلولك وهما أصلا معدينك بكتير أنت رقم 19 يا رامي أنت بعيد أوي».
«مش هسكت».. زوجة رامي صبري ترد على ويجز
ردت شيرين عادل، زوجة الفنان رامي صبري، على الهجوم الكبير الذي قام به ويجز على زوجها بعد تصريحاته الأخيرة في أحد البرامج التليفزيونية.
ونشرت شيرين جزءًا من حديث رامي عبر حسابها على «إنستجرام» وعلقت : «ده جزء من الحلقة اللى رامى اتكلم فيها عن الراب.. ومن هنا ورايح مش هسكت وهرد على أي حد يفكر يتكلم عنه تاني بأي طريقة مش عجباني.. أولًا رامي اتسال سؤال في برنامج ورد وعنده كل الصلاحية لأى رد أو إجابة على أي سؤال يعني مفيش أي مانع يخلي رامي لما يتسأل سؤال ميجاوبش وثانيا رامي صبري ده يا حضرت فنان من أهم الفنانين في الوطن العربى ومن أهم الأصوات ده لو حضرتك مش معانا في مجال المزيكا وبعدين والله يا ريت رامى عنده الوقت بتاع حضرتك الفاضى اوى بتاع 5 شهور فاضى يا ريت كنا نتمنى».
وأضافت : «أما بقى موضوع رامي رقم كام ده هو الحقيقة مش شاغل بال رامى أوي بس لو حضرتك شايف إن رامي رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس.. أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف أنت بتتكلم عن مين، قبل ما تتكلم لأنك واضح إنك عندك شغل تانى غير المزيكا لأنك لو جوة الشغلانة كنت مش هتقول ولا كلمة من الكلام دة علشان الناس متضحكش عليك لأنك اتكلمت عن فنان بجد مش جاى يهزر، واخيرًا لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية ترند بس حاول الأغنية بتاعتك الجديدة تعتمد فيها على نفسك».
اقرأ أيضا :
«أنت بعيد أوي».. أول تعليق من ويجز بعد حديث رامي صبري عن أغاني الراب
«مش هسكت».. زوجة رامي صبري ترد على ويجز