على غزال ل«المصري اليوم»: أنا ضحية.. وسأقاضي هذا اللاعب

كشف على غزال لاعب منتخب مصر السابق، عن كواليس جديدة تخص قضيته مع لاعبي سموحة والتي أُثيرت خلال الأيام الماضية.
وقال غزال خلال تصريحات ل «المصري اليوم»: «تعاقدت مع الشركة منذ فتر طويلة، والأمور كانت مستقرة وكنت بتحصل على أرباحي بصورة طبيعية، ودي شركة مشهورة مش متاجة حد يروج لها».
وأضاف: «لاعبي فريق سموحة على وجه التحديد تعاملوا مع الشركة عن طريق لاعب آخر»
وتابع: «تعاملوا مع الشركة لمدة أكثر من سنتين، وحصلوا على الأرباح بصورة طبيعية، ولما حصل تعثر مالي لصاحب الشركة، كلم اللاعيبة وعرفهم إنه هيبعت الفلوس ليهم، على حسب ما عرفت من اللاعيبة».
واستكمل: «أحد اللاعبين زج باسمي إني أنا اللي عرضت الشركة على اللاعيبة، وده مش حقيقي، ومن 4 أيام بالتحديد اللاعب تواصل مع صاحب الشركة، وصاحب الشركة قالوا أصبر عليا لشهر 1 وهبعت الفلوس ليك».
وزاد: «الراجل مش نصاب ولو عاوز ينصب كان قفل موبايله لما سافر برا مصر، وأنا زيي زي اللاعبين ليا فلوس وشيكات، وهي عبارة عن مستحقات تخارجي من الشركة ووعدني ووعادهم أيضًا بإنهاء الأزمة».
وأردف: «أي لاعب شهر باسمي وعلى رأسهم حسام حسن أنا هاتحرك ضده قانونيا، لأن اللي حصل ده تشهير باسمي، وسيتم اتخاذ إجراءات قانونية رادعة ضد حسام حسن»