أسرار ليلة القبض على البلوجر هدير عاطف| مأساة طلاق تنتهي بفضيحة

احتل اسم البلوجر هدير عاطف قائمة محتويات الأكثر بحثًا على مؤشر البحث العالمي جوجل ومختلف مواقع التواصل الاجتماعي خلال الساعات الأخيرة، بعد القبض عليها بتهمة النصب والاحتيال بمساعدة طليقها بلال الديب، وسرقة مبالغ مالية تتجاوز ملايين الجنيهات بحجة تشغيلها في الأعمال الحرة.
اقرأ أيضاً..
البلوجر هدير عاطف.. أصغر مستريحة على السوشيال ميديا
القصة الكاملة وراء القبض على البلوجر هدير عاطف بتهمة النصب والاحتيال:
بدأت القصة باستغاثة والدة هدير عاطف بمتابعيها من خلال مقطع فيديو نشرته شقيقتها "حنين" عبر حسابها الشخصي بموقع تبادل الصور والفيديوهات "إنستجرام"، حيث قالت: "أنا بنتي من الساعة 7 مخطوفة أنا بناشد سيادة الريس والنائب العام دخلوا علينا بلطجية خطفوها وخدوا دهبها وخدوا فلوسها وخدوا كل حاجة".
وتابعت باكية: "سابولنا بنت عندها ثقب في القلب وعندها مشاكل لحد دوقتي مش عارفة بنتي فين والبت هتموت مني أنا بناشدك ياريس وبناشد الحكومة خدوا كل حاجة وهي جزاتها الوحيدة انها اتجوزت واحد وحش بيشتغل في أي حاجة احنا مالنا خدوا بنتي وحققوا معاها لو لقيتوا عليها حاجة تستاهل اللي يجراللها بنتي اتطلقت منه وابرته من كل حاجة وضحك عليها هي معليهاش حاجة".
والدة هدير عاطف تناشد الرئيس عبدالفتاح السيسي بعد القبض على ابنتها: حفيدتي بتموت مني:
أوضحت والدة هدير تفاصيل علاقة ابنتها بطليقها قبل وبعد الطلاق خلال منشور آخر، حيث قالت: "بنتي من ساعة ما عرفت إن طليقها واللي شغالين معاه فلوسهم بيعملوا حاجة غلط وحرام وهي كانت في مشاكل معاه لحد ما اتطلقت منه ولا عمرها اعلنت عن شغله في موضوع التداول ده ولا خدت فلوس من حد ولا قبلت حد يشتغل معاها ولا تعرف ايه هو الشغل ده أصلاً".
وأضافت: "قررت انها تطلق منه والحمدلله حصل لكن بردو لما اختفى عن كل الناس اللي كانوا شغالين معاه مسكوا فيها هي وهددوها انهم هيأذوها ببنتها وبعتولها رسايل انهم هياخدوها رهينة رغم انها مكنش ليها دعوة بحاجة ولا عمرها قابلت حد فيهم ومكنتش متوقعة أن الناس دي هتنفذ تهديدها وتأذيها لحد ما حصل انهارده ودخل 7 بلطجية الشقة عليها".
وتابعت: "زقوا بنتها وسرقوا الدهب بتاعها وبتاع بنتها وشوية فلوس عايشة بيها وكسروا الشقة زي ما انتوا شايفين وقعدوا يسألوا على الفلوس بتاعة بلال اللي هي فعلاً معهاش حاجة منها ومتعرفش حاجة بيها وهما شافوا ده بنفسهم ودلوقتي هما خاطفينها علشان يوصلوا لطليقها اللي هو اصلا مفكرش يسلم نفسه عشان خاطر بنته اللي بتموت دلوقتي"، كما أرفقت المنشور بلقطة مصورة من محادثة توثق التهديدات التي تلقتها ابنتها بالفعل حسبما زعمت.
هدير عاطف تتقدم ببلاغ رسمي يُفيد تعرضها للتشهير والتهديد:
في السياق ذاته، كانت البلوجر هدير عاطف تقدمت ببلاغ للنائب العام، بتعرضها للتشهير والتهديد غير المسبوق، مدعية أن أعضاء كتيبة إلكترونية، شنوا هجومًا ضدها بهدف التشهير بها والنيل من حياتها الأسرية والتنمر على أسرتها، مؤكدة أنها تتعرض للابتزاز عن طريق تقديم عروض بيع للجروبات والصفحات التي تُشهر بها، فضلا عن فبركة محادثات خاصة وقول ادعاءات لا أساس لها من الصحة، فضلًا عن قيام عدد من الفتيات بتهديد الوكلاء والعملاء المتعاملين معها بغرض منعهم من التعامل معها تجاريًا ودعائيًا.
علي غزلان: هدير اتقبض عليها ومش مسموح أتكلم في تفاصيل
وحرص الانفلونسر علي غزلان، على توضيح حقيقة الأمر بعد انتشار أخبار عن اختطاف هدير عاطف، وذلك من خلال منشور عبر حسابه الرسمي بموقع "إنستجرام" حيث قال: "وصلنا لهدير للأسف، هدير اتقبض عليها، مش مسموح اتكلم في تفاصيل، ومامتها اللي طلبت مني أنزل الاستوري
دي، بس ادعو إن ربنا يلطف بيها".
حقيقة وفاة بلال طليق هدير عاف والمتهم معها بالنصب:
وفي سياق متصل، ادعى "بلال" طليق هدير، عبر حسابه الشخصي بموقع إنستجرام، أنه سيُقدم على إنهاء حياته عقب اختطاف طليقته وتعرض طفلته "كايلا" للخطر، حيث قال: "الحقوا هدير وكايلا، 10 دقائق ومش هاكون موجود في الحياة، بنتي وذنبي في رقبتكوا، العقود كلها دلوقت رايحة القسم، الفلوس هتوصلكم أول ما أموت بألف خير، عند ربنا أرحم كتير".
وأضاف: "دي فلوسي وشقى عمري وحق بنتي، عايزين ياخدوا كل حاجة، الحقوا هدير معرفش فين، الحقوا هدير عاطف انا مش عارف اوصل لها، انا هاموت نفسي لو معرفتش هي فين هي والبنت، حسبي الله ونعم الوكيل".
وأردف: "ولا عرفت أساعدهم ولا عرفت أساعد نفسي، البقاء والدوام لله، واتمنى منه يسامحني، وكمان بنتي وهدير يسامحوني، وأمي الغالية الله يرحمك ويسامحك، اشبعوا بالفلوس، أنا مش عايز منها حاجة، حتى نفسي مش عايزها"، مختتما كلامه: "لو فيه أدمن بينزل الاستوري، كده الفلوس في أمان، بس بلال مش في أمان أو مات أو في المستشفى، هدير وكايلا في رقبتكوا، إنا لله وانا اليه راجعون".
وبعد ساعات قليلة، نشر أدمن الصفحة الخاصة بطليق هدير، بلال محمود، خبرا زعم فيه بأن بلال قد أنهى حياته، قائلًا: "ربنا يرحمك يا صاحبي ويغفر لك، بلال فى ذمة الله ادعوله بالرحمة والمغفرة".
الداخلية تكشف كواليس القبض على هدير عاطف:
على صعيد آخر، كشفت وزارة الداخلية تفاصيل القبض على البلوجر هدير عاطف خلال بيان رسمي جاء به: "تبلغ لمديرية أمن القاهرة من عدد 16 مواطنًا بإتهام ( "بلوجر أزياء" – وزوجها "له معلومات جنائية" – وشقيقته وزوجها) .. لقيامهم بالنصب والإحتيال عليهم والتحصل منهم على مبالغ مالية عقب إيهامهم بإمتلاكهم مجموعة شركات تعمل فى عدة مجالات "السيارات ، العقارات ، تداول الأوراق المالية" بزعم إستثمارها لهم مقابل أرباح مالية"
وأضاف: "وقيام "البلوجر" المشار إليها بالترويج عبر صفحتها على موقع التواصل الاجتماعى "إنستجرام" لأنشطة تلك الشركات بأوساط متابعيها.. عقب تقنين الإجراءات تم ضبط 3 منهم بنطاق محافظة الجيزة.. وبمواجهتهم اعترفوا بتلقى أموال من المجنى عليهم بلغت أكثر من مليون جنيه بحجة استثمارها لهم مقابل أرباح إلا أنهم لم يقوموا بذلك أو رد أصل المبلغ"، متابعًا: "تم اتخاذ الإجراءات القانونية.. وجارٍ تكثيف الجهود لضبط المتهم الهارب".