أحمد عز بعد تكريمه في مهرجان القاهرة: «أول مرة جيت الكاميرات مصورتنيش ومحدش كان عارفني»

حصل الفنان أحمد عز على جائزة فاتن حمامة، ضمن فعاليات الدورة ال45 من القاهرة السينمائي الدولي، وأعرب الفنان عن سعادته بالتكريم.
وقال أحمد عز ضمن كلمته في مهرجان القاهرة السينمائي: «من 24 سنة خيروني بين أني أكمل في شغلي أو أعمل بطولة أول فيلم، واخترت على غير رغبة أهلي إني اشتغل في السينما، وكان نفسي أحضر المهرجان ويجيلي دعوة مكتوب عليها الفنان أحمد عز، عشان أقول لأمي وأبويا إن جالي دعوة ويكونوا فهوريين بيا»
وتابع عز: «لما روحت المهرجان أول مرة عشان أتصور ومحدش عرفني وعديت على الكاميرات ومحدش بصلي، وقولت مش مشكلة، وكان نفسي أقعد في الصفوف الأولى عشان أبويا وأمي يشوفوني في البيت عشان يبقوا فخوريين بيا، وبتاع الأمن وأنا داخل قاليل حضرتك قاعد فوق خالص، وفعلًا قعدت فوق».
وتابع عز: «وروحت البيت وأنا متضايق جدًا، وأمي يوميها قالتلي ربنا ينولك مرادك، وتلف الأيام، وأقف على خشبة دار الأوبر العريقة واتكرم بجائزة أسم صاحبتها وحده جائزة ويمنحني الجائزة معالي وزير الثقافة والنجم الاستاذ نجم النجوم اللي مجاش زيه».