«مش هيكمل في الأهلي».. تعليق ناري من إبراهيم سعيد على أداء «كهربا» في الدوري

أنتقد الإعلامي إبراهيم سعيد، المستوى الذي ظهر عليه نجم النادي الأهلي محمود عبدالمنعم كهربا، خلال مباراة زد.
وحقق الأهلي فوزًا هامًا على نظيره زد بهدف نظيف دون رد أحرزه طاهر محمد طاهر، ليتصدر الأحمر جدول ترتيب الدوري المصري الممتاز بعد مرور جولتين فقط من المسابقة.
وقال إبراهيم سعيد في تصريحات تليفزيونية عبر شاشة «النهار»: «كهربا بعيد أوي، وفقد الثقة لدرجة أني شوفته كأنه لاعب في الاختبارات ومش مركز وقراراته مش صحيح، أول مرة أشوف لعيب عايز يعلن عن نفسه».
وأضاف: «المفروض أنت لعيب كبير لعبت منتخب مصر والأهلي، والزمالك، بس من كتر ما هو ضاغط على نفسه هتشوف المستوى ده على طول».
وأكمل: «أنزل خلي عندك ثقة في نفسك، متجريش بس وتنزل وسط الملعب وفي الآخر بتلاقي نفسك مش قادر، كهربا مع ابتعاده عن المشاركة خلى في ضغط عليه».
وواصل إبراهيم سعيد: «أهدى شوية يا كهروب، مش محتاج تثبت وجودك، أنت وصلت لنفسك لدرجة أنك مش عارف تستلم الكورة، وفي كورة رايح انفراد كنت عارف أنه مش هيكمل، لأنه بدنيًا مش جاهز، ومش مركز».
وأتم تصريحاته قائلً: «الحالة اللي موجود فيها كهربا مش عجباني، ولو فضل بالشكل ده هيبقى تواجده في النادي الأهلي صعب، حاول تنزل الملعب وأنت واقف على رجليك، بلاش ترمي الفوطة».