«بيفكر في نفسه بس».. إبراهيم سعيد يفتح النار على نجم الأهلي

فتح إبراهيم سعيد، نجم الأهلي ومنتخب مصر السابق، النار على حسين الشحات، جناح الفريق الأول لكرة القدم بالنادي الأهلي، بعد المستوى الذي ظهر عليه في المباريات الماضية.
وقال إبراهيم سعيد، في تصريحات تلفزيونية عبر فضائية «النهار»: «متضايق من حسين الشحات، ومش متوقع إن مستواه يبقى كده، الشحات، لما بيلعب لعب جماعي بيبقى كويس وبيفيد فريقه، ولكن لما يفكر في نفسه بس بيظهر بمستوى وحش، ودي من أسباب تراحع عن مستواه في الفترة الأخيرة».
وأضاف: «حسين الشحات، في الفترة الأخيرة بيفكر في نفسه بس، أي كورة تجيله بيسددها لأنه بيبقى نازل المباراة بيفكر بس أنه يحرز هدف».
وتابع: «حسين الشحات، لازم يتعاون مع زملائه، لأنه بيعاند مع نفسه، الكورة مش ماشية معاه وهو مصمم يحرز هدف».