«طب بيطري بتعذب الحيوانات».. آية سماحة تعلق على صور الكلاب كتجارب بالجامعات

علقت الفنانة آية سماحة على الصور المنتشرة عبر مواقع التواصل الاجتماعي حول وضع الكلاب كحيوانات تجارب لطلاب كلية الطب بجامعة القاهرة، حيث طالبت من المسؤولين التدخل لوقف تلك الجرائم الخاصة بالحيوان.
وقالت «آية» عبر صفحتها بموقع «فيسبوك»: «كلية طب بيطري جامعة القاهرة بتعذب الحيوانات، والصور بشعة، أنا مش قادرة أنزلها، مين مسؤول عن العنف والتعذيب ده، حرام عليكم».
«الطالب هيبقى رحيم إزاي».. رانيا فريد شوقي تفتح النار على «طب جامعة القاهرة»: «فين شعار الرفق بالحيوان»
وكانت الفنانة رانيا فريد شوقي أعربت عن استيائها الشديد بسبب الصور المنتشرة حول وضع الكلاب كحيوانات تجارب لطلاب كلية الطب بجامعة القاهرة، حيث طالبت من المسؤولين التدخل لوقف تلك الجرائم الخاصة بالحيوان.
ونشرت «رانيا» صورًا لمحادثات الطلاب من كلية الطب عبر «إنستجرام» معلقة: «انعدمت الإنسانية. انتم إزاي فاكرين نفسكم بني آدمين وانت بتعذب حيوان والحجة أنه لتعليم الطلاب طب.. بذمتك الطالب ده نفسه هيبقى رحيم إزاي بالحيوان اللي حضرتك عامله فار تجارب وبتعذبه باسم العلم، حسبنا الله ونعم الوكيل إيه يا بلد مافيش رقابة، مافيش تجريم، مافيش تحقيق».
وأضافت: «يبقى جرائم القتل اللي بتزيد كل يوم بين البشر مش غريبة مادام انتم بتعلموهم إزاي يعذبوا حيوان، أمال فين شعار الرفق بالحيوان، ربنا يعذبكم في الدنيا والآخرة يا رب، أرجو من أي مسؤول وقفة مع الإنسانية والدين إذا انعدمت الرحمة مع الحيوان».
واختتمت: «تأكد أن أي روح يبقى مباح تعذبها يعني متستغربش من جرائم القتل البشعة عمرها ما كانت بتحصل في مصر، الرحمه لا تتجزأ يعني مش مخصصة للإنسان فقط، وحتى دلوقتي مابقاش في رحمة بين البشر، ما بالك بقى بالمخلوقات الضعيفة.. اللهم أنت المنتقم الجبار ممن يدعون أنهم بشر ولكنهم حجر».
وظهر من خلال الصور التي علقت عليها «رانيا» تعليق إحدى الطالبات، وكتبت: «أنا كطالبة في الكلية، أرجوكم أن تتخذوا الإجراءات اللازمة لإيقاف اللي بيحصل كل سنة ده، وتدفعوا مسؤولي الكلية انهم ينفتحوا على الطرق الآدمية اللي ممكن نتعلم بها برضو».
وكتبت أخرى: «أنا طالبة في جامعة القاهرة طب بيطري اتصدمت صدمة كبيرة جدا لما حضرت أول سکشن جراحة ولقيت كلب بيتعذب قدامي نفسيًّا وجسديًّا عشان نشوف حاجة ممكن تتشاف في فيديو من غير إيذاء لأي حيوان، طلعت أنا وصحابي من كتر بشاعة المنظر اللي قدرت أعمله اني مكنتش بحضر السكاشن بسبب المهزلة دي».