السيسي عن شراء الأسلحة خلال ال10 سنوات الماضية: «مش هجاوب» (فيديو)

رد الرئيس عبدالفتاح السيسي، على الانتقادات التي وجهها البعض بشأن إبرام الدولة المصرية العديد من صفقات الأسلحة خلال السنوات العشر الماضية.
وقال السيسي في كلمته ب الندوة التثقيفية ال 40 للقوات المسلحة بمناسبة الذكرى 51 لنصر أكتوبر المجيد، اليوم الإثنين: «الكلام كان بيتقال هل مطلوب إن إحنا نجيب أسلحة للقوات المسلحة خلال ال 10 سنوات اللي فاتت؟! أنا مش هجاوب على السؤال ده خالص».
وأضاف: «مش عشان الحرب اللي موجودة دلوقتي، لكن لازم تعرفوا إن الحفاظ على قوة الدولة الشاملة بكل معانيها القوة العسكرية والقوة الاقتصادية والقوة الثقافية وقوة الوعي، أمر مهم جدًا جدًا، فأنا مش هجاوب على السؤال ده وأقول شوفتوا بقى! لا لا».
وتابع السيسي: «حتى لو مكنش حصل اللي حصل دلوقتى، لا بد القوات المسلحة والشركة تبقى في أعلى جاهزية وقدرة لحماية البلد، وده أمر لازم تكونوا مش مقنعين بيه بس، إحنا محتاجين تتكلموا مع الناس في دائمًا».
واختتم الرئيس كلمته قائلًا: «بلدنا بخير وقدرات الجيش كافية للدفاع عن بلدنا مش عشان نعمل حاجة ضد حد».