عفت نصار: «الزمالك عصامي».. والأهلي يحصل على أكبر عقود رعاية

يرى عفت نصار، نجم نادي الزمالك السابق، أن النادي الأبيض دائمًا ما يتعرض لظروف صعبة، وهو ما يؤثر على نتائج الفريق الأول لكرة القدم.
وقال عفت نصار، في تصريحات تلفزيونية عبر فضائية «الحدث اليوم»: «الزمالك لازم يتقال فيه أشعار، لأنه نادي بيتم حل مجلس إدارته وبيتوقفله القيد كتير جدًا، الزمالك عامل زي الشاب العصامي اللي بنى نفسه بنفسه فده لازم كلنا نسقفله، إنما واحد بابا بيديله فده عادي، عشان كده لما حد يبقى وارث عادي انه يتفوق».
وأضاف: «أنا بشوف إن النادي المصري نادي عظيم جدًا، لأنه نادي شاف كل حاجة تخليه ينهار بيتعرضوا لعقوبات وبيلعبوا كل مبارياتهم بره والنادي لسة صامد لحد دلوقتي وبيلعب في الكونفدرالية».
وأتم: «نادي الزمالك، النادي المنافس بتاعه مجلس إدارته لم يحل طوال تاريخه، الأهلي يحصل على أكبر عقود رعاية في مصر».