جوري بكر توجه رسالة نارية لمتابعيها : «اتعظوا».. ما القصة؟

وجهت الفنانة جوري بكر، رسالة إلى كل شخص يأذي غيره بقصد أو دون قصد، مشيرًة إلى أن توقيت الرسالة يأتي تزامنًا مع كثرة الحوادث وانتشار أخبار الموت من كل ما هو كبير وصغير.
رسالة جوري بكر: الناس اللي راسمة انها هتعيش 100 سنة قدامي تأذي وتظلم في خلق الله
وشاركت جوري، متابعيها مقطع فيديو عبر خاصية «ستوري» على حسابها الرسمي «انستجرام»؛ قائلة فيه: «عايزة أقول رسالة لكل الناس اللي واخدة الدنيا في حضنها ومأمنلها أوي، والناس اللي راسمة انها هتعيش 100 سنة قدامي تأذي وتظلم في خلق الله، عايزة أقولهم ياريت نتعظ، بقول لنفسي نفس الكلام، بس بجد ياريت كلنا نتعظ لأن الفترة الأخيرة الموت انتشر أوي وناس كتيرة بتروح مننا على غفلة».
وأضافت :«لما بنروح لوجه كريم محدش فينا بياخد معاه حاجة ولا فلوس ولا لبس ولا براندات، اللي بيستمر هو السيرة الطيبة بس، هي أغلي حاجة الانسان بيمتلكها».
واستكملت :«بأوجه بالفيديو رسالة لناس معينة، بتظلم في ناس تانية في حياتها أو شغلها، وبالذات في الشغل، بس ربنا كريم وبيعوض في كل حاجة، والناس المؤذية ياريت تعرف أن الدنيا فانية ومتخليش حد يدعي عليك».
واختتمت جوري :«بعمل الفيديو دا عشان بشوف الناس بتروح في غمضة عين، ودا فوقني كتير لأني من هعمل حادثة بالعربية أنا وأبني بسبب ضغط نفسي، يمكن حد يسمعه ويفوق ويتعظ هو كمان، كلنا بنساعد بعض».
جوري بكر تطالب بإلغاء مسابقة ملكة جمال مصر
يذكر أن طالبت الفنانة جوري بكر بإلغاء مسابقة ملكة جمال مصر 2024، وذلك بسبب سوء تنظيم الحفل، مشيرة إلى أن المسابقة قائمة على المجاملات الشخصية، إذ يتم اختيار الفائزة قبل الحفل بدون حيادية أو عدالة، على حد قولها.
وقالت «جوري» عبر حسابها الشخصي على «فيسبوك»: «ممكن تلغوا مسابقة ملكة جمال مصر بجد والمسميات الأخرى للنوع ده من المسابقات وأي إن شاء الله ملكة جمال مصر للعالم انتم هبل لأنها حرفيا فاشلة بسبب سوء التنظيم والعبث اللى بيحصل فيها وأنها مسابقه مقامة على المجاملات والمصالح وأشياء أخرى كتيرة للأسف».
وأضافت: «مش هقدر اتكلم عنها وأنصح أي بنت متنخدعش بالنوع ده من المسابقات لأنها هتفشل وهتتعقد لانهم من أول يوم بيكونوا عارفين مين اللى هتكسب وده للأسف بيحصل في مصر بس فارجوكم كفاية المسابقات دي بتقضي على بنات لسه في مقتبل عمرهم عندهم طموحات وأحلام كتير بتضيعوا مستقبلهم وبتحسسوهم بخيبة أمل».
وتابعت :«في الآخر بيكسبوا أكتر واحدة فاشلة وممكن يكون في كذا واحدة تانية من المتسابقات أحسن منها ألف مرة، آخر مسابقة ملكة جمال هي 2014 غير كده لا أعترف شكرا».
اقرأ أيضًا..
«بيكسّبوا أكتر واحدة فاشلة».. جوري بكر تهاجم مسابقات ملكات الجمال وتطالب بإلغائها
جوري بكر عن عودتها لزوجها سريعًا: «مكانش تريند وأنا ست عصبية» (فيديو)