زوجة تستشهد ب«المصري اليوم» في دعوى أمام محكمة الأسرة: «قرأت إني ليّا حق عند جوزي»

أمام مكتب تسوية النزاعات بمحكمة الأسرة بالقاهرة حضرت سيدة في منتصف العقد الرابع تطلب إقامة دعوي نفقة ضد طليقها، وكذا تطلب إلزامه بتحمل مصروفات تعليم أبنائه الثلاثة، بعدما إمتنع عن دفع نفقة الصغار لأكثر من عام حتي بعد بدء العام الدراسي الجديد لم يسدد مصروفات مدارسهم، ورفض إعطائها للمدعية لسدادها.
قالت المدعية أمام خبراء مكتب التسوية بمحكمة الأسرة: أنا ست غلبانة ماليش في المشاكل ولا المحاكم بس أنا بطلب حقي وحق ولادي، انا مش عايزة أكتر من إن أبوهم يصرف عليهم ويدفع لهم مصاريف المدرسة ده أقل واجب عليه ناحية ولاده، ولا هو يطلقني ويرميهم من غير ولا مليم ؟.
[image2]
وأضافت مقيمة الدعوي أمام محكمة الأسرة : أنا شوفت بعيني إن القانون بيديني الحق أرفع قضية مصاريف مدرسة لولادي، وقريب في المواقع محامين وناس بتوع قانون بيقولي كمان إزاء أرفع القضية.
وإستشهدت مقيمة الدعوي أمام مكتب تسوية النزاعات في محكمة الأسرة بما نشر في موقع «المصري اليوم» وتحديدا في باب «من حقك تعرف» تحت عنوان «ما إجراءات إقامة دعوى مصروفات دراسية أمام محكمة الأسرة ؟» وأظهرت ما ورد بموقع الجريدة لأعضاء مكتب التسوية مبررة إقامتها دعواها.
وأضافت المدعية أنا بقالي شهور انا اللي متحملة كل مصاريف ولادي وونفقاتهم بس خلاص مابقتش قادرة أكتر من كده، وخصوصًا على مصاريف المدارس، أنا حاربت مع المدرسة عشان ترضي إن الولاد يدخلوا السنة دي من غير مصاريف وطلبت بس تأجيل تحصيلها لغاية ما أبوهم يدفعها- على حد ما قالت مقيمة الدعوي أمام خبراء التسوية بمحكمة الأسرة.