«هو اللي صنعني».. رسالة مؤثرة من محمد عبدالمنعم ل جماهير الأهلي (فيديو)

وجه محمد عبدالمنعم، لاعب النادي الأهلي السابق، ونيس الفرنسي الحالي، رسالة هامة إلى جماهير المارد الأحمر، بعد إعلان انتقاله رسميًا للنادي الفرنسي اليوم.
وكان نادي نيس الفرنسي، قد أعلن ضم اللاعب محمد عبدالمنعم، خلال فترة الانتقالات الصيفية الجارية، نشر عبر الحساب الرسمي على «فيسبوك»: «إنه قادم»، وأرفق صورة حديثة لعبدالمنعم.
ونشر محمد عبدالمنعم مقطع فيديو عبر حسابه الرسمي على موقع التواصل الاجتماعي «فيس بوك»: «عارف يعني تنام وتصحى تلاقي حلم بيتحقق من يوم مانا صغير وأنا شايف نفسي بتيشرت الأهلي بلعب قدام جمهور كبير الحلم ده مش بس اتحقق ده جزء مني 15 سنة من الحب والفخر».
وأكمل: «من يوم ما لبست تيشرت الأهلي حسيت إن لحظه عمرها ما هتتكرر كل هدف سجلته كنت حاسس إن بعمل حاجة عظيمة الذكريات مش هتنتهي مش هنسى أول مرة دخلت ملعب التتش مش ناسي أول مرة الجمهور هتف باسمي الجمهور ده هو اللي صنعني ووقف جنبي».
عرض هذا المنشور على Instagram
‏تمت مشاركة منشور بواسطة ‏Mohamed abdelmonem‏ (@‏mohamed_abdelmonem66‏)‏
وأتم: «بشكر الجميع داخل النادي الأهلي كانوا دائما بجواري في الأوقات الصعبة بشكر اللاعبين اللحظات دي هتفضل محفورة في قلبي طول حياتي خرجت من الأهلي كلاعب ولكن هفضل طول عمري مشجع ليه وهفضل دايما ابن النادي».