«حفاوة وتشكيك».. كيف تفاعلت جماهير الأهلي والزمالك مع ظهور شيكابالا؟

حظيت حلقة محمود عبدالرازق شيكابالا نجم الزمالك، على شاشة mbc مصر 2 بمتابعة جماهيرية وتعليقات متنوعة على منصات التواصل الاجتماعي.
وشهد اللقاء الحديث حول تفاصيل أزماته مع جماهير الأهلي، وسبب تفوق المارد الأحمر، وكواليس رحيل إمام عاشور، ومبادرة إنهاء أزمة حسين الشحات ومحمد الشيبي وتعليقه حول أزمة محمد الشناوي مع الصحافة.
وكتب حسام تمساح: «انا أهلاوي ومتعصب وبحبك من زمان اقسم بالله ومفيش حد يقدر يقول أنك أحسن من لمس الكرة في أفريقيا وكنت ممكن تبقي في مكان تاني بس النصيب ..وإنسانيا انت أطيب من الطيابه ووشك باين عليه فعلا انت من الناس اللي اتبرعت مع تريكه لي أهالي الشهداء وكنت متعثر ربنا يديك الخير يا شيكا».
وعلق عبدالرحمن سيد: «والله شيكا ما محتاج لقطة شيكا هو اللقطة اللي انت ممكن تاخدها».
وكتب آدم محمد: «الحقيقة ياشيكا لو اعتزلت الكوره المصرية كلها مش هايبقالها طعم ودا مش علشان زمالكاوي.. أنا أبوتريكه احبوا جدا ورغم إني زمالكاوي ربنا يوفقك يا شيكا».
وعلق كريم حنفي على تصريحات زملكوية إمام عاشور: «زملكاوي مجنون.. كدة بقا أهلاوي عاقل هناك فرق يا أسطورتهم».
وكتب محمد الجزار: «طبعا كده كلامك غير صحيح لأنه حس أنه غريب وعلشان كده قال تصريح اعتزاله في الإسماعيلية بسبب أنه المدرب أخذه ومش هايلعب... وبعدين يقول وهو ناشئ كلام غير موزون».
وعلق أبومازن: «يا رجل نصف اللي في قناة الزمالك وأون كانوا بيشتغلوا في قناة الأهلي بصراحة يا شيكا انت مش بتاع تصريحات لأن تصريحاتك ملهاش أساس منطقي ده فيه قنوات تقريبًا نسخة ثانية من الزمالك».
وكتبت هدير حمدي: «والله يا شيكا ما في فطيبه قلبك ولا سلكانك وكلنا عارفين أن الناس اللي بتتعصب بسرعه طيبه وانت اسطورتنا ملناش دعوه بكلام حد خليك فالزمالك ومع الجمهور انزل حته خمس دقيق فالماتش هنبقا مبسوطين».
وتسائل شهاب الدين محمد: «احنا ليه مش بنشوف الاخلاق دي فأرض الملعب».